«Петропавл қаласы азаматтарының жекелеген санаттарына Петропавл қаласында қоғамдық көлікте (таксиден басқа) тегін жол жүру түріндегі жеңілдіктер белгілеу туралы» Солтүстік Қазақстан облысы Петропавл қаласы әкімдігінің 2021 жылғы 23 сәуірдегі № 631 және Солтүстік Қазақстан облысты Петропавл қалалық мәслихатының 2021 жылғы 23 сәуірдегі № 1 бірлескен қаулысы мен шешімі

Петропавл қаласы азаматтарының жекелеген санаттарына Петропавл қаласында қоғамдық көлікте (таксиден басқа) тегін жол жүру түріндегі жеңілдіктер белгілеу туралы
Солтүстік Қазақстан облысы Петропавл қаласы әкімдігінің 2021 жылғы 23 сәуірдегі № 631 және Солтүстік Қазақстан облысты Петропавл қалалық мәслихатының 2021 жылғы 23 сәуірдегі № 1 бірлескен қаулысы мен шешімі

Қазақстан Республикасының «Қазақстан Республикасындағы көлік туралы» Заңының 13-бабына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 және 31 - баптарына сәйкес Петропавл қаласының әкімдігі ҚАУЛЫ ЕТТІ және Петропавл қалалық мәслихаты ШЕШТІ:

1. Петропавл қаласында тұрақты тіркелген азаматтардың мынадай санаттарына Петропавл қаласында қоғамдық көлікте (таксиден басқа) тегін жол жүру түріндегі жеңілдік белгіленсін:

1) 1 және 2 топтағы мүгедектерге;

2) 16 жасқа дейінгі мүгедек балаларға;

3) 16 жастан 18 жасқа дейінгі барлық топтағы мүгедек балаларға;

4) 18 жасқа дейінгі мүгедек балаларды тәрбиелеп отырған заңды өкілдердің біріне;

5) Ұлы Отан соғысының ардагерлеріне;

6) басқа мемлекеттердің аумағындағы ұрыс қимылдарының ардагерлеріне;

7) жеңілдіктер бойынша Ұлы Отан соғысының ардагерлеріне теңестірілген ардагерлерге;

8) «Алтын алқа», «Күміс алқа» алқаларымен марапатталған немесе бұрын «Батыр Ана» атағын алған, І және ІІ дәрежелі «Ана даңқы» ордендерімен марапатталған көп балалы аналарға;

9) саяси қуғын-сүргін құрбандарына, мүгедектігі бар немесе зейнеткер болып табылатын саяси қуғын-сүргіннен зардап шеккен адамдарға;