«Қазақстан Республикасының Ұлттық ұланында қару-жараққа ағымдағы және орташа жөндеу жүргізу, техникалық қызмет көрсету (сервистік қызмет көрсету) қағидаларын бекіту туралы» Қазақстан Республикасы Ішкі істер министрінің 2024 жылғы 4 қыркүйектегi № 666 бұйрығы

Қазақстан Республикасының Ұлттық ұланында қару-жараққа ағымдағы және орташа жөндеу жүргізу, техникалық қызмет көрсету (сервистік қызмет көрсету) қағидаларын бекіту туралы

Қазақстан Республикасы Ішкі істер министрінің 2024 жылғы 4 қыркүйектегi № 666 бұйрығы

Қазақстан Республикасы Үкіметінің 2019 жылғы 29 қарашадағы № 896 қаулысымен бекітілген Қару-жарақ пен әскери техниканың айналымы қағидаларының 34-тармағына сәйкес БҰЙЫРАМЫН:

1. Қоса беріліп отырған Қазақстан Республикасының Ұлттық ұланында қару-жараққа ағымдағы және орташа жөндеу жүргізу және техникалық қызмет көрсету (сервистік қызмет көрсету) қағидалары бекітілсін.

2. Қазақстан Республикасы Ұлттық ұланының Бас қолбасшылығы (Е.С. Ботақанов) Қазақстан Республикасының заңнамасында белгіленген тәртіппен:

1) осы бұйрықтың электрондық көшірмесін Қазақстан Республикасы Нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жолдауды;

2) осы бұйрық ресми жарияланғаннан кейін оның Қазақстан Республикасы Ішкі істер министрлігінің интернет-ресурсында орналастырылуын қамтамасыз етсін.

4. Осы бұйрық қол қойылған күнінен бастап қолданысқа енгiзiледi.

Қазақстан Республикасы

Ішкі істер министрінің

2024 жылғы 4 қыркүйектегi

№ 666 бұйрығымен бекітілген

Қазақстан Республикасының Ұлттық ұланында қару-жараққа ағымдағы және орташа жөндеу жүргізуді,

техникалық (сервистік) қызмет көрсетуді ұйымдастыру

 қағидалары

1-тарау. Жалпы ережелер