«Астана агломерациясын дамытудың 2024 – 2028 жылдарға арналған кешенді жоспарын бекiту және Қазақстан Республикасы Үкіметінің «Астана қаласына iргелес елдi мекендердi әлеуметтiк-экономикалық дамытудың 2025 жылға дейінгі кешендi жоспарын бекiту туралы» 2021 жылғы 21 қыркүйектегі № 649 және «Нұр-Сұлтан қаласына iргелес елдi мекендердi әлеуметтiк-экономикалық дамытудың 2023 жылға дейінгі кешендi жоспарын бекiту туралы» Қазақстан Республикасы Үкіметінің 2021 жылғы 21 қыркүйектегі № 649 қаулысына өзгерістер енгізу туралы» 2023 жылғы 25 қаңтардағы № 37 қаулыларының күші жойылды деп тану туралы» Қазақстан Республикасы Үкіметінің 2024 жылғы 29 ақпандағы № 136 Қаулысы

Астана агломерациясын дамытудың 2024 - 2028 жылдарға арналған кешенді жоспарын бекiту және Қазақстан Республикасы Үкіметінің «Астана қаласына iргелес елдi мекендердi әлеуметтiк-экономикалық дамытудың 2025 жылға дейінгі кешендi жоспарын бекiту туралы» 2021 жылғы 21 қыркүйектегі № 649 және «Нұр-Сұлтан қаласына iргелес елдi мекендердi әлеуметтiк-экономикалық дамытудың 2023 жылға дейінгі кешендi жоспарын бекiту туралы» Қазақстан Республикасы Үкіметінің 2021 жылғы 21 қыркүйектегі № 649 қаулысына өзгерістер енгізу туралы» 2023 жылғы 25 қаңтардағы № 37 қаулыларының күші жойылды деп тану туралы

Қазақстан Республикасы Үкіметінің 2024 жылғы 29 ақпандағы № 136 Қаулысы

Астана агломерациясының әлеуметтік-экономикалық дамуын жақсарту мақсатында Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Астана агломерациясын дамытудың 2024 - 2028 жылдарға арналған кешенді жоспары (бұдан әрі - Кешенді жоспар) бекітілсін.

2. Мыналардың:

1) «Астана қаласына iргелес елдi мекендердi әлеуметтiк-экономикалық дамытудың 2025 жылға дейінгі кешендi жоспарын бекiту туралы» Қазақстан Республикасы Үкіметінің 2021 жылғы 21 қыркүйектегі № 649 қаулысының;

2) «Нұр-Сұлтан қаласына iргелес елдi мекендердi әлеуметтiк-экономикалық дамытудың 2023 жылға дейінгі кешендi жоспарын бекiту туралы» Қазақстан Республикасы Үкіметінің 2021 жылғы 21 қыркүйектегі № 649 қаулысына өзгерістер енгізу туралы» Қазақстан Республикасы Үкіметінің 2023 жылғы 25 қаңтардағы № 37 қаулысының күші жойылды деп танылсын.

3. Орталық атқарушы органдар, Астана агломерациясының жергілікті кеңесі және мүдделі ұйымдар (келісу бойынша) Кешенді жоспарда көзделген іс-шаралардың уақтылы орындалуын қамтамасыз етсін және жыл қорытындысы бойынша, 25 қаңтардан кешіктірмей, Қазақстан Республикасының Ұлттық экономика министрлігіне олардың іске асырылу барысы туралы ақпарат беріп тұрсын.

4. Қазақстан Республикасының Ұлттық экономика министрлігі жыл қорытындысы бойынша, 15 ақпаннан кешіктірмей, Қазақстан Республикасының Үкіметіне Кешенді жоспардың іске асырылу барысы туралы жиынтық ақпарат беріп тұрсын.