«Шалғайдағы ауылдық елді мекендерде тұратын балаларды жалпы білім беру ұйымдарына және кейін үйлеріне тегін тасымалдауды ұсыну» мемлекеттік қызметті көрсету қағидалары» (Қазақстан Республикасы Білім және ғылым министрінің 2020 жылғы 24 сәуірдегі № 158 бұйрығына 9-қосымша) (2023.28.04. берілген өзгерістер мен толықтыруларымен)

Қазақстан Республикасы

Білім және ғылым министрінің

2020 жылғы 24 сәуірдегі

№ 158 Бұйрыққа 9-қосымша

«Шалғайдағы ауылдық елді мекендерде тұратын балаларды жалпы білім беру ұйымдарына және кейін үйлеріне тегін тасымалдауды ұсыну»
мемлекеттік қызметті көрсету қағидалары

(2023.28.04. берілген өзгерістер мен толықтыруларымен)

1-тарау. Жалпы ережелер

ҚР Оқу-ағарту министрінің 2023.12.04. № 95 бұйрығымен 1-тармақ жаңа редакцияда (2023 ж. 28 сәуірден бастап қолданысқа енгізілді) (бұр.ред.қара)

1. Осы «Шалғайдағы ауылдық елді мекендерде тұратын балаларды жалпы білім беру ұйымдарына және кейін үйлеріне тегін тасымалдауды ұсыну» мемлекеттік қызметті көрсету қағидалары (бұдан әрі – Қағидалар) «Мемлекеттік көрсетілетін қызметтер туралы» Қазақстан Республикасы Заңының (бұдан әрі – Заң) 10-бабының 1) тармақшасына сәйкес әзірленді және шалғайдағы ауылдық елді мекендерде тұратын балаларды жалпы білім беру ұйымдарына және кері қарай үйлеріне тегін тасымалдауды ұсыну тәртібін айқындайды.

2. ҚР Білім және ғылым министрінің 2022.21.02. № 55 бұйрығымен алып тасталды (бұр.ред.қара)

2-тарау. Мемлекеттік қызмет көрсету тәртібі

ҚР Білім және ғылым министрінің 2022.21.02. № 55 бұйрығымен (бұр.ред.қара); ҚР Оқу-ағарту министрінің 2022.03.10. № 414 бұйрығымен (2022 ж. 17 қазаннан бастап қолданысқа енгізілді) (бұр.ред.қара) 3-тармақ жаңа редакцияда