«Мәслихаттың 2016 жылғы 21 желтоқсандағы № 93 «Қостанай қаласының 2017-2019 жылдарға арналған бюджеті туралы» шешіміне өзгерістер енгізу туралы» Қостанай облысы Қостанай қаласы мәслихатының 2017 жылғы 3 қазандағы № 182 шешімі

Мәслихаттың 2016 жылғы 21 желтоқсандағы № 93 «Қостанай қаласының 2017-2019 жылдарға арналған бюджеті туралы» шешіміне өзгерістер енгізу туралы

Қостанай облысы Қостанай қаласы мәслихатының 2017 жылғы 3 қазандағы № 182 шешімі

2008 жылғы 4 желтоқсандағы Қазақстан Республикасы Бюджет кодексінің 104, 106-баптарына сәйкес Қостанай қалалық мәслихаты ШЕШІМ ҚАБЫЛДАДЫ:

1. Мәслихаттың 2016 жылғы 21 желтоқсандағы № 93 «Қостанай қаласының 2017-2019 жылдарға арналған бюджеті туралы» шешіміне (Нормативтік құқықтық актілерді мемлекеттік тіркеу тізілімінде № 6771 тіркелген, 2017 жылғы 11 қаңтарда Қазақстан Республикасы нормативтік құқықтық актілерінің электрондық түрдегі эталондық бақылау банкінде жарияланған) мынадай өзгерістер енгізілсін:

көрсетілген шешімнің 1-тармағы жаңа редакцияда жазылсын:

«1. Қостанай қаласының 2017-2019 жылдарға арналған бюджеті тиісінше 1, 2 және 3-қосымшаларға сәйкес, оның ішінде 2017 жылға мынадай көлемдерде бекітілсін:

1) кірістер - 36403469,9 мың теңге, оның iшiнде:

салықтық түсімдер бойынша - 21268745,0 мың теңге;

салықтық емес түсімдер бойынша - 125266,0 мың теңге;

негiзгi капиталды сатудан түсетiн түсiмдер бойынша - 1769500,0 мың теңге;

трансферттер түсімі бойынша - 13239958,9 мың теңге;

2) шығындар - 41556599,5 мың теңге;

3) таза бюджеттiк кредиттеу - 979762,0 мың теңге;

4) қаржы активтерімен операциялар бойынша сальдо - 905269 мың теңге, оның ішінде:

қаржы активтерін сатып алу - 905269 мың теңге;

5) бюджет тапшылығы (профициті) - -7038160,6 мың теңге;

6) бюджет тапшылығын қаржыландыру (профицитін пайдалану) - 7038160,6 мың теңге.»;

көрсетілген шешімнің 4, 5 - тармақтары жаңа редакцияда жазылсын:

«4. 2017 жылға арналған қалалық бюджетте республикалық және облыстық бюджеттерден нысаналы ағымдағы трансферттер түсімінің көзделгені ескерілсін, оның ішінде:

тілдік курстар бойынша тағылымдамадан өткен мұғалімдерге қосымша ақы төлеуге 5311,0 мың теңге сомасында;

оқу кезеңінде негізгі қызметкерді алмастырғаны үшін мұғалімдерге қосымша ақы төлеуге 12710,3 мың теңге;