«Вольтарен, инъекцияға арналған ерітінді, 75 мг/3 мл» дәрілік заттың тіркеу куәлігінің қолданылуын тоқтату туралы» Қазақстан Республикасы Денсаулық сақтау министрлігі Медициналық және фармацевтикалық бақылау комитеті төрағасының 2022 жылғы 21 қаңтардағы № 31-НҚ бұйрығы

«Вольтарен, инъекцияға арналған ерітінді, 75 мг/3 мл» дәрілік заттың тіркеу куәлігінің қолданылуын тоқтату туралы
Қазақстан Республикасы Денсаулық сақтау министрлігі Медициналық және фармацевтикалық бақылау комитеті төрағасының 2022 жылғы 21 қаңтардағы № 31-НҚ бұйрығы

Қазақстан Республикасы Денсаулық сақтау министрінің м.а. 2020 жылғы 24 желтоқсандағы № ҚР ДСМ-322/2020 бұйрығымен бекітілген Дәрілік заттар мен медициналық бұйымдарды қолдануды тоқтата тұру, оған тыйым салу немесе айналыстан алып қою не олардың қолданылуын шектеу қағидаларының 3-тармағының 7) тармақшасына сәйкес БҰЙЫРАМЫН:

1. «Вольтарен, инъекцияға арналған ерітінді, 75 мг/3 мл», өндірушісі «Лек Фармасьютикалс д.д.», тіркеу куәлігінің нөмірі ҚР-ДЗ-5№013877 дәрілік затының тіркеу куәлігінің қолданылуы тоқтатылсын және кері қайтарылсын.

2. Қазақстан Республикасы Денсаулық сақтау министрлігінің Медициналық және фармацевтикалық бақылау комитетінің (бұдан әрі - Комитет) Фармацевтикалық қызметті бақылау саласындағы мемлекеттік көрсетілетін қызметтер басқармасы осы шешім қабылданған күннен бастап күнтізбелік бір күннің ішінде жазбаша (еркін) нысанда комитетінің аумақтық бөлімшелеріне, дәрілік заттардың тіркеу куәлігінің иесіне және дәрілік заттар мен медициналық бұйымдар айналысы саласындағы мемлекеттік сараптама ұйымына хабарласын.