«Республикалық маңызы бар жалпыға ортақ пайдаланылатын автомобиль жолының Ақтөбе – Ресей Федерациясының шекарасы (Орынборға) учаскесін ақылы негізде пайдалану туралы» Қазақстан Республикасы Көлік министрінің м.а. 2025 жылғы 7 ақпандағы № 39 бұйрығы

Республикалық маңызы бар жалпыға ортақ пайдаланылатын автомобиль жолының Ақтөбе - Ресей Федерациясының шекарасы (Орынборға) учаскесін ақылы негізде пайдалану туралы
Қазақстан Республикасы Көлік министрінің м.а. 2025 жылғы 7 ақпандағы № 39 бұйрығы

«Автомобиль жолдары туралы» Қазақстан Республикасы Заңының 12-бабы 2-тармағының 29) тармақшасына сәйкес БҰЙЫРАМЫН:

1. Мыналар:

1) II санаттағы Ақтөбе - Мәртөк - Ресей Федерациясы шекарасы (Орынборға) республикалық маңызы бар жалпыға ортақ пайдаланылатын автомобиль жолының Ақтөбе - Ресей Федерациясының шекарасы (Орынборға) 17+000 - 99+692 километр (бұдан әрі - км) учаскесі (бұдан әрі - ақылы жол (учаске)) ақылы негізде пайдаланылатыны;

2) жүріп өту келесі баламалы жол арқылы жүзеге асырылуы мүмкін: Ақтөбе - Ресей Федерациясының шекарасы (Орскқа) республикалық маңызы бар автомобиль жолы;

3) ақылы жолдың (учаскенің) бастапқы пункті - км 17+000, ақылы жолдың (учаскенің) соңғы пункті - км 99+692;

4) осы бұйрыққа 1-қосымшаға сәйкес ақылы жолдың (учаскенің) басқа автомобиль жолдарымен қиылысулар және басқа автомобиль жолдарына қосылулар тізбесі;

5) ақылы жолдың (учаскенің) техникалық сыныптамасы - II санаты, ақылы жолдың (учаскенің) негізгі параметрлері:

автомобиль жолымен жүріп өту жолағының ені - кемінде 3,75 метр;

автомобиль жолындағы қозғалыс жолағының саны - екі бағытта 1 жолақ;

6) ақылы жолдың (учаскенің) ұзақтығы - 82 км 692 метр;

7) осы бұйрыққа 2-қосымшаға сәйкес ақылы автомобиль жолы арқылы жүріп өту үшін төлем мөлшерлемелері айқындалады;

8) осы бұйрыққа 3-қосымшаға сәйкес басқа автомобиль жолымен баламалы түрде жүре алмайтын, іргелес елді мекендердің тізбесі;

9) ақылы жолды (учаскені) ақылы негізде пайдалану мерзімі - 20 жыл деп белгіленсін.

2. Қазақстан Республикасы Көлік министрлігінің Автомобиль жолдары комитеті заңнамада белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты Қазақстан Республикасы Көлік министрлігінің интернет-ресурсында орналастыруды қамтамасыз етсін.