«Маңғыстау облысы бойынша үй жануарларын ұстаудың және серуендетудің қағидаларын бекіту туралы» Маңғыстау облыстық мәслихатының 2022 жылғы 24 тамыздағы № 13/152 шешімі (2023.25.12. берілген өзгерістермен)

Маңғыстау облысы бойынша үй жануарларын ұстаудың және серуендетудің қағидаларын бекіту туралы
Маңғыстау облыстық мәслихатының 2022 жылғы 24 тамыздағы № 13/152 шешімі

(2023.25.12. берілген өзгерістермен)

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6 бабының 2-2 тармағына және «Жануарларға жауапкершілікпен қарау туралы» Қазақстан Республикасы Заңының 8-бабының 1) тармақшасына сәйкес, Маңғыстау облыстық мәслихаты ШЕШТІ:

1. Қоса беріліп отырған Маңғыстау облысы бойынша үй жануарларын ұстаудың және серуендетудің қағидалары бекітілсін.

2. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Маңғыстау облыстық мәслихатының

2022 жылғы 24 тамыздағы

№ 13/152 шешімімен

БЕКІТІЛГЕН

Маңғыстау облысы бойынша үй жануарларын ұстаудың және серуендетудің

қағидалары

1-тарау. Жалпы ережелер

1. Осы Маңғыстау облысы бойынша үй жануарларын ұстаудың және серуендетудің қағидалары (бұдан әрі - Қағидалар) «Жануарларға жауапкершілікпен қарау туралы» Қазақстан Республикасының Заңы (бұдан әрі - Заң) 9-бабының 1-тармағы 1) тармақшасына және «Үй жануарларын ұстаудың және серуендетудің үлгілік қағидаларын бекіту туралы» Қазақстан Республикасы Экология, геология және табиғи ресурстар министрінің 2022 жылғы 20 мамырдағы № 168 бұйрығына (Нормативтік құқықтық актілерді мемлекеттік тіркеу тізілімінде № 28138 тіркелген) сәйкес әзірленді және үй жануарларын ұстаудың және серуендетудің тәртібін белгілейді.

Маңғыстау облыстық мәслихатының 2023.08.12. № 7/78 шешімімен 2-тармақ жаңа редакцияда (2023 ж. 25 желтоқсаннан бастап қолданысқа енгізілді) (бұр.ред.қара)

2. Қағидаларда мынадай негізгі ұғымдар мен терминдер пайдаланылады:

1) жануардың иесі - жануар меншік құқығымен немесе өзгедей заттық құқықпен тиесілі болатын жеке немесе заңды тұлға;