«Ақпаратқа қол жеткізуді қамтамасыз етудің кейбір мәселелері туралы» Қазақстан Республикасы Денсаулық сақтау министрлігі аппарат басшысы міндетін атқарушысының 2021 жылғы 21 мамырдағы № 306 бұйрығы

Ақпаратқа қол жеткізуді қамтамасыз етудің кейбір мәселелері туралы
Қазақстан Республикасы Денсаулық сақтау министрлігі аппарат басшысы міндетін атқарушысының 2021 жылғы 21 мамырдағы № 306 бұйрығы

«Ақпаратқа қол жеткізу туралы» 2015 жылғы 16 қарашадағы Қазақстан Республикасы Заңының 9-бабына сәйкес БҰЙЫРАМЫН:

1. Қазақстан Республикасы Денсаулық сақтау министрлігінің (бұдан әрі - Министрлік) Жұртшылықпен байланыс департаменті ақпаратқа қол жеткізу бойынша уәкілетті құрылымдық бөлімше болып айқындалсын.

2. Министрліктің Жұртшылықпен байланыс департаменті негізгі функционалдық міндеттеріне қосымша:

1) ақпаратқа қол жеткізу бойынша Министрліктің құрылымдық бөлімшелері мен ведомстволарының жұмыстарын үйлестіру бойынша;

2) Министрліктің ашық отырыстарына қолжетімділікті (әлеуметтік желілерде онлайн-трансляциямен) қамтамасыз ету бойынша құрылымдық бөлімшелер мен ведомстволардың жұмысын үйлестіру бойынша;

3) Қазақстан Республикасы Денсаулық сақтау министрінің (бұдан әрі - Министр) «Ашық үкімет» порталдарындағы блогында орналастырылғын ақпараттардың сапасы мен уақтылылығының мониторингі бойынша;

4) сауалнамалар мен интернет-конференциялар өткізу мониторингі бойынша;

5) мемлекеттік органдар қызметтерінің тиімділігін жыл сайынғы бағалау шеңберінде Ақпарат және қоғамдық даму министрлігіне (бұдан әрі - АҚДМ) ұсыну үшін «Мемлекеттік органның ашықтығы» бағыты бойынша есептік ақпаратты қалыптастыру бойынша;

6) «Мемлекеттік органның ашықтығы» бағыты бойынша мемлекеттік органдар қызметтерінің тиімділігін жыл сайынғы бағалаудың қорытындысында көрсетілген уәкілетті органның (АҚДМ) ұсынымдарын орындауды қамтамасыз ету бойынша;

7) Министрлік басшылығы және ақпаратқа қол жеткізу мәселелері жөніндегі комиссияның (бұдан әрі - Комиссия) отырыстарына қатысу үшін материалдар дайындау бойынша;

8) Комиссия ұсынымдарының орындалуын бақылау және АҚДМ-ға. Комиссияның хаттамалық шешімдерінің орындалуы туралы ақпаратты уақтылы ұсыну бойынша;