«Шымкент қаласы мен Түркістан облысындағы медициналық көмек көрсетудің кейбір мәселелері туралы» Қазақстан Республикасы Денсаулық сақтау министрінің 2018 жылғы 12 қарашадағы № 621 бұйрығы

Шымкент қаласы мен Түркістан облысындағы медициналық көмек көрсетудің кейбір мәселелері туралы
Қазақстан Республикасы Денсаулық сақтау министрінің 2018 жылғы 12 қарашадағы № 621 бұйрығы

«Қазақстан Республикасының әкімшілік-аумақтық құрылысының кейбір мәселелері туралы» Қазақстан Республикасы Президентінің 2018 жылғы 19 маусымдағы № 702 Жарлығының 5-тармағын іске асыру мақсатында БҰЙЫРАМЫН:

1. Шымкент қаласы мен Түркістан облысының әкімдіктері (келісім бойынша):

1) Қазақстан Республикасының заңнамасына сәйкес Шымкент қаласы мен Түркістан облысының халқына медициналық көмек көрсетуді қамтамасыз етсін;

2) осы бұйрыққа қосымшаға сәйкес Шымкент қаласы мен Түркістан облысында денсаулық сақтау жүйесінің үздіксіз және тиімді жұмыс істеуіне бағытталған іс-шаралардың орындалуын қамтамасыз етсін;

3) Шымкент қаласы мен Түркістан облысының халқына медициналық көмек көрсетуде негіссіз бас тартуға жол бермесін;

4) Қазақстан Республикасы Денсаулық сақтау министрлігімен келісе отырып 2018 жылғы 30 қарашаға дейін 2025 жылға дейінгі Шымкент қаласы мен Түркістан облысы бойынша инфрақұрылымды дамытудың өңірлік перспективалық жоспарларын әзірлесін және бекітсін;

5) әкімшілік бағыныстылығына қарай екі өңірдің халқына медициналық көмек көрсетудің сапасы мен қолжетімділігін жақсарту, оның ішінде 2025 жылға дейінгі инфрақұрылымды дамытудың өңірлік перспективалық жоспарларына сәйкес денсаулық сақтау ұйымдарының материалдық-техникалық базасын дамыту бойынша шараларды қабылдасын;

6) «Қазақстан Республикасында жедел медициналық көмек көрсету қағидаларын бекіту туралы» Қазақстан Республикасы Денсаулық сақтау министрінің 2017 жылғы 3 шілдедегі № 450 бұйрығына сәйкес білікті, мамандандырылған және жоғары технологиялық медициналық көмек көрсетуге мүмкіндігі бар, шұғыл түрде көрсетілімі бар пациенттерді жақын маңдағы медициналық ұйымға тасымалдауды қамтамасыз етсін;