(БҰРЫНҒЫ РЕДАКЦИЯ) ЗИЯТКЕРЛІК МЕНШІКТІ ҚҰҚЫҚТЫҚ КҮЗЕТУ МЕН ҚОРҒАУ САЛАС...

Зияткерлік меншікті құқықтық күзету мен қорғау саласындағы ынтымақтастық және
Зияткерлік меншікті құқықтық күзету мен қорғау мәселелері жөнінде мемлекетаралық кеңес кұру туралы
келісім
(Санкт-Петербург қ., 2010 жылғы 19 қарашада)

Осы редакция 2017 жылғы 26 мамырда енгізілген өзгерістеріне дейін қолданылды

ҚР Үкіметінің 2011 жылғы 28 наурыздағы № 282 Қаулысымен бекітілді

2011 жылғы 14 тамызда күшіне енді

Бұдан әрі Тараптар деп аталатын осы Келісімге қатысушы мемлекеттердің Үкіметтері,

ғылыми-техникалық, сауда-экономикалық және әлеуметтік-мәдени ынтымақтастықты дамытуға ниет білдіре отырып,

зияткерлік меншікті тиімді күзету мен қорғау осындай ынтымақтастықты дамытудың міндетті шарты болып табылатынын мойындай отырып,

осы Келісімге қатысушы мемлекеттердің аумақтарында зияткерлік меншікті құқықтық күзету мен қорғау жүйесін дамыту жөнінде келісілген және үйлестірілген шараларды қабылдаудың маңыздылығын түсіне отырып,

осы Келісімге қатысушы мемлекеттердің халықаралық міндеттемелерін және заңнамасын басшылыққа ала отырып,

төмендегілер туралы келісті:

1-бап

Зияткерлік меншікті күзету мен қорғаудың мемлекетаралық жүйесін жетілдіру, зияткерлік меншік саласында құқық бұзушылыққа қарсы әрекет ету жөніндегі бірлескен қызметті үйлестіру мақсатында Тараптар:

а) қарым-қатынасты нығайту, Тараптардың мемлекеттік бюджеттерінде осы мақсаттарға көзделетін қаражат шегінде бірлескен зерттеулер жүргізу және зияткерлік меншікті күзету мен қорғау саласында пікір алмасу;

б) осы Келісімге қатысушы мемлекеттердің зияткерлік меншікті құқықтық күзету мен қорғау саласындағы заңнамасы туралы ақпарат алмасу;

в) экономика, сауда, ғылым, техника және мәдениет саласында ынтымақтастықты жүзеге асыру кезінде зияткерлік меншікті күзету мен қорғауға байланысты мәселелерді келісу, сондай-ақ тиісті халықаралық шарттар жасасуға жәрдемдесу;