«Сотқа дейінгі тергеп-тексерудің бірыңғай тізілімі жүйесін web-платформаға көшіру жөніндегі пилоттық жобаны жүзеге асыру туралы» Қазақстан Республикасы Бас Прокурорының 2015 жылғы 15 маусымдағы № 74 және Қазақстан Республикасы Ішкі істер министрінің 2015 жылғы 15 маусымдағы № 533 бірлескен бұйрығы

Сотқа дейінгі тергеп-тексерудің бірыңғай тізілімі жүйесін web-платформаға көшіру жөніндегі пилоттық жобаны жүзеге асыру туралы
Қазақстан Республикасы Бас Прокурорының 2015 жылғы 15 маусымдағы № 74 және Қазақстан Республикасы Ішкі істер министрінің 2015 жылғы 15 маусымдағы № 533 бірлескен бұйрығы

Сотқа дейінгі тергеп-тексерудің бірыңғай тізілімі жүйесінің жұмысын жетілдіру мақсатында, БҰЙЫРАМЫЗ:

1. Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі - Комитет) және Қазақстан Республикасының Ішкі істер министрлігі (бұдан әрі - ІІМ) 2015 жылғы 10 шілдеден бастап 31 тамызға дейінгі кезеңде Сотқа дейінгі тергеп-тексерудің бірыңғай тізілімі жүйесін web-платформаға көшіру (бұдан әрі - web - платформадағы СДТБТ АЖ) жөніндегі жобаны:

Ішкі істер министрлігінің орталық аппараты;

- Астана қаласы ІІД аппараты;

- Астана қаласы ІІД Сарыарқа ауданының ішкі істер басқармасы;

- Ақмола облысы Целиноград ауданының ішкі істер бөлімі;

- Қарағанды облысы ІІД аппараты;

- Қарағанды облысы Қарағанды қаласының ІІБ ПБ Басқармасы;

- Қарағанды облысы Қарқаралы ауданының ІІБ;

- Астана қаласы бойынша Қылмыстық-атқару жүйесі департаменті Астана қаласы бойынша КАЖД-нің ЕЦ-166/1, ЕЦ-166/10 мекемелері;

- Астана қаласы бойынша ТЖД «Өрт сөндіру және авариялық-құтқару жұмысы қызметі» ММ;

- Астана қаласы бойынша ТЖД Сарыарқа ауданының төтенше жағдайлар басқармасы негізінде іске асуын қамтамасыз етсін.

2. Комитет Төрағасы (С.М. Айтпаева) және ІІМ АТО бастығы (Р.Н. Зақарғаева) пилоттық жобаны жүргізуге жауапты қызметкерлерді белгілесін. Жауапты тұлғалар өзгерген жағдайда пилоттық жоба қатысушыларын уақытылы хабарландырсын.

3. Комитет Төрағасы (С.М. Айтпаева) және ІІМ Техникалық қызмет департаментінің бастығы (Н.А. Балтабаев) техникалық дайындық мәселелерін пысықтасын.