«2017 жылға арналған нормативтік құқықтық актілердің құқықтық мониторингін жүргізу кестесін бекіту туралы» Қазақстан Республикасы Әділет министрінің 2016 жылғы 15 желтоқсандағы № 1163 бұйрығы

2017 жылға арналған нормативтік құқықтық актілердің құқықтық мониторингін жүргізу кестесін бекіту туралы
Қазақстан Республикасы Әділет министрінің 2016 жылғы 15 желтоқсандағы № 1163 бұйрығы

Қазақстан Республикасы Үкіметінің 2016 жылғы 29 тамыздағы № 486 Қаулысымен бекітілген Нормативтік құқықтық актілердің құқықтық мониторингін жүргізу қағидасының 13-тармағына сәйкес БҰЙЫРАМЫН:

1. 2017 жылға арналған нормативтік құқықтық актілердің құқықтық мониторингін жүргізу кестесі қосымшаға сәйкес бекітілсін.

2. Қазақстан Республикасы Әділет министрлігінің (бұдан әрі - Министрлік) құрылымдық бөлімшелері мен ведомстволық бағыныстағы ұйымдарының назарына осы бұйрық жеткізілсін.

3. Министрліктің құрылымдық бөлімшелері мен ведомстволық бағыныстағы ұйымдары нормативтік құқықтық актілерге құқықтық мониторинг жүргізу барысында Қазақстан Республикасы Үкіметінің 2016 жылғы 29 тамыздағы № 486 Қаулысы мен бекітілген кестеге сәйкес жұмыс жүргізсін.

4. Ұсынылған деректердің жауапкершілігі тиісті құрылымдық бөлімшелер мен ведомстволық бағыныстағы ұйымдардың басшыларына жүктелсін.

5. Осы бұйрықтың орындалуын бақылау Қазақстан Республикасы Әділет министрінің орынбасары З.Х. Баймолдинаға жүктелсін.

6. Осы бұйрық қол қойылған күнінен бастап күшіне енеді.

Қазақстан Республикасы

Әділет министрінің

2016 жылғы 15 желтоқсандағы

№ 1163 бұйрығына

қосымша

Қазақстан Республикасы Әділет министрлігінің
2017 жылға арналған құқықтық мониторинг жүргізу
кестесі