«2025-2027 жылдарға арналған облыстық бюджет туралы» Түркістан облыстық мәслихатының 2024 жылғы 13 желтоқсандағы № 14/180-VIIІ шешімі

2025-2027 жылдарға арналған облыстық бюджет туралы
Түркістан облыстық мәслихатының 2024 жылғы 13 желтоқсандағы № 14/180-VIIІ шешімі

Қазақстан Республикасының Бюджет кодексінің 8-бабының 2-тармағына, 75-бабының 2-тармағына және «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 6-бабы 1-тармағының 1) тармақшасына сәйкес Түркістан облыстық мәслихаты ШЕШІМ ҚАБЫЛДАДЫ:

1. Түркістан облысының 2025-2027 жылдарға арналған облыстық бюджеті 1, 2 және 3-қосымшаларға сәйкес, оның ішінде 2025 жылға мынадай көлемде бекiтiлсiн:

1) кiрiстер - 1 327 460 504 мың теңге, оның iшiнде:

салықтық түсiмдер - 64 138 098 мың теңге;

салықтық емес түсiмдер - 5 898 267 мың теңге;

негізгі капиталды сатудан түсетін түсімдер - 5 323 мың теңге;

трансферттер түсiмi - 1 257 418 816 мың теңге;

2) шығындар - 1 357 462 076 мың теңге;

3) таза бюджеттiк кредиттеу - - 18 837 174 мың теңге, оның ішінде:

бюджеттік кредиттер - 27 950 596 мың теңге;

бюджеттік кредиттерді өтеу - 46 787 770 мың теңге;

4) қаржы активтерімен операциялар бойынша сальдо - 3 184 338 мың теңге, оның ішінде:

қаржы активтерін сатып алу - 3 184 338 мың теңге;

5) бюджет тапшылығы - -14 348 736 мың теңге;

6) бюджет тапшылығын қаржыландыру - 14 348 736 мың теңге.

2. 2025 жылға облыстық бюджетке және аудандық (облыстық маңызы бар қалалардың) бюджеттеріне кірістерді бөлу нормативтері келесідей мөлшерлерде белгіленсін:

ірі кәсіпкерлік субъектілерінен және мұнай секторы ұйымдарынан түсетін түсімдерді қоспағанда, заңды тұлғалардан алынатын корпоративтік табыс салығы бойынша аудандар (облыстық маңызы бар қалалар) бюджеттеріне - 50 пайыз;

облыстық бюджетке аудандардан (облыстық маңызы бар қалалардан) - 50 пайыз.

төлем көзінен салық салынатын табыстардан ұсталатын жеке табыс салығы бойынша Бәйдібек, Қазығұрт, Ордабасы, Сарыағаш және Сауран аудандарынан басқа аудандар (облыстық маңызы бар қалалар) бюджеттеріне - 50 пайыз;

Бәйдібек ауданының бюджетіне - 57,5 пайыз;

Қазығұрт ауданының - 57,4 пайыз;

Ордабасы ауданының - 67,7 пайыз;

Сарыағаш ауданының - 80,4 пайыз;