«Бизнестің жол картасы - 2020« бизнесті қолдау мен дамытудың бірыңғай бағдарламасы шеңберінде мемлекеттік гранттар беру» мемлекеттік көрсетілетін қызмет регламенті (Жамбыл облысы әкімдігінің 2016 жылғы 11 сәуірдегі № 120 қаулысымен бекітілген) (күші жойылды)

Жамбыл облысының әкімдігінің 2019 жылғы 28 қазандағы № 238 Қаулысымен күші жойылды

Жамбыл облысы әкімдігінің

2016 жылғы 11 сәуірдегі

№ 120 қаулысымен

 бекітілген

 «Бизнестің жол картасы - 2020» бизнесті қолдау мен дамытудың бірыңғай бағдарламасы шеңберінде  мемлекеттік гранттар беру»

 мемлекеттік көрсетілетін қызмет регламенті

1. Жалпы ережелер

1. «Бизнестің жол картасы - 2020» бизнесті қолдау мен дамытудың бірыңғай бағдарламасы шеңберінде мемлекеттік гранттар беру» мемлекеттік көрсетілетін қызмет (бұдан әрі - мемлекеттік көрсетілетін қызмет) «Кәсіпкерлік саласындағы мемлекеттік көрсетілетін қызметтер стандарттарын бекіту туралы» Қазақстан Республикасы Ұлттық экономика министрінің 2015 жылғы 24 сәуірдегі № 352 бұйрығымен бекітілген «Бизнестің жол картасы - 2020» бизнесті қолдау мен дамытудың бірыңғай бағдарламасы шеңберінде мемлекеттік гранттар беру» стандартына (Нормативтік құқықтық актілерді мемлекеттік тіркеу тізілімінде № 11181 тіркелген) (бұдан әрі - Стандарт) сәйкес «Жамбыл облысы әкімдігінің кәсіпкерлік және индустриалды-инновациялық дамыту басқармасы» коммуналдық мемлекеттік мекемесі (бұдан әрі - көрсетілетін қызметті беруші) көрсетеді.

Өтініштерді қабылдау мен мемлекеттік қызмет көрсету нәтижелерін беру: көрсетілетін қызметті берушінің, аудардармен Тараз қаласының кәсіпкерлік және өнеркәсіп бөлімдерінің (бұдан әрі - бөлім) кеңсесі арқылы жүзеге асырылады.

2. Көрсетілетін мемлекеттік қызмет көрсету нысаны: қағаз түрінде.

3. Мемлекеттік көрсетілетін қызмет нәтижесі: грантты беру туралы шарт.

Мемлекеттік көрсетілетін қызметтің нәтижесін ұсыну нысаны: қағаз түрінде.

2. Мемлекеттік қызметтер көрсету процесінде көрсетілетін қызметті берушінің құрылымдық бөлімшелерінің

 (қызметкерлерінің) іс-қимылы тәртібін сипаттау

4. Мемлекеттiк қызмет көрсету бойынша рәсiмдi (iс-қимылды) бастауға

қызмет алушының Стандарттың 9 тармағына сәйкес кұжаттарының болуы негіздеме болып табылады.