«Аса жеңіл авиация әуе кемесінің ұшуға жарамдылығы сертификатын беру» мемлекеттік қызметінің регламенті (Қазақстан Республикасы Инвестициялар және даму министрiнiң м. а. 2015 жылғы 25 мамырдағы № 622 бұйрығына 7-қосымша) (күші жойылды)

Қазақстан Республикасы

Инвестициялар және даму

министрiнiң міндетін атқарушының

2015 жылғы 25 мамырдағы

№ 622 бұйрығына 7-қосымша

ҚР Индустрия және инфрақұрылымдық даму министрінің 2020 жылғы 13 қазандағы № 527 бұйрығымен күші жойылды

«Аса жеңіл авиация әуе кемесінің ұшуға жарамдылығы сертификатын беру»

мемлекеттік қызметінің регламенті

1. Жалпы ережелері

1. «Аса жеңіл авиация әуе кемесінің ұшуға жарамдылығы сертификатын беру» мемлекеттік қызметті (бұдан әрі - мемлекеттік қызмет) Қазақстан Республикасы Инвестициялар және даму министрлігінің Азаматтық авиация комитеті (бұдан әрі - қызметті беруші) көрсетеді.

Өтініштерді қабылдау және мемлекеттік көрсетілетін қызметтің нәтижелерін беру қызмет берушінің кеңсесі немесе www.e.gov.kz «электрондық үкімет» веб-порталы (бұдан әрі - Портал) арқылы жүзеге асырылады.

Мемлекеттік көрсетілетін қызметтің үлгісі: қағаз және (немесе) электронды (жартылай автоматтандырылған) түрде.

2. Мемлекеттік көрсетілетін қызметтің нәтижесі аса жеңіл авиация әуе кемесінің ұшуға жарамдылығы сертификатын (сертификаттың телнұсқасын) беру болып есептеледі.

Мемлекеттік қызметті көрсету нәтижесін ұсыну нысаны: электрондық түрде.

2. Мемлекеттік көрсетілетін қызметтің процесінде құрылымдық
бөлімшелердің (қызметкерлердің) іс-әрекеті тәртібінің сипаттамасы

3. 2015 жылғы 28 сәуірдегі Қазақстан Республикасы Инвестициялар және даму министрі бұйрығымен бекітілген № 499 (Нормативтiк құқықтық актiлердi мемлекеттiк тiркеу тiзiлiмiнде № 11349 болып тiркелген) «Аса жеңіл авиация әуе кемесінің ұшуға жарамдылығы сертификатын беру» Стандартының 9-тармағына сәйкес Қызмет берушінің мемлекеттік көрсетілетін қызметке қажетті қызметті алушының ұсынылған құжаттарын алуы мемлекеттік көрсетілетін қызмет ресімді (әрекетті) бастауға негіздеме болып есептеледі.

4. Мемлекеттік көрсетілетін қызмет процесінің ресімдері (әрекеттері):

1) 30 минут ішінде қызмет берушінің кеңсе қызметкерімен өтінімінді қабылдау күнін мне тіркеу нөмрін берілу;