Кыргыз Республикасынын Жогорку Сотунун 2016-жылдын 28-июнундагы № АД-324/15 МО токтому

Кыргыз Республикасынын Жогорку Сотунун 2016-жылдын 28-июнундагы токтому

Иш № АД-324/15 МО

Көзөмөл өндүрүш № 6-537/16 АД

Кыргыз Республикасынын Жогорку сотунун административдик жана экономикалык иштер боюнча соттук коллегиясы курамында:

төрагалык кылуучу: Аманалиева Б.К.

судьялар Джумашов К.О., Осмоналиев К.Т.,

сот отурумунун катчысы Абдраев Н.

тараптардан Кыргыз Республикасынын Башкы прокуратурасынын өкүлү - Э.Төрөмаматовдун (ишеним кат 2015-жылдын 24-июлунан) катышуусунда, ачык соттук отурумда Э.Курбаналиевдин Ош облустук сотунун административдик жана экономикалык иштер боюнча соттук коллегиясынын 2015-жылдын 5-октябрындагы аныктамасына карата келгирилген көзөмөл тартибиндеги даттануусун карап, ал аныктама менен Ош облусунун райондор аралык сотунун 2015-жылдын 3-июлундагы чечими алып салынган. Э.Курбаналиевдин Өзгөн шаар башкармалыгынын 2006-жылдын 27-июлундагы № 314 токтомун, Өзгөн райондук жерге жайгаштыруу жана кыймылсыз мүлкко укуктарды каттоо башкармалыгынын 2006-жылдын 11-августундагы сериясы Ч № 394028 сандуу мамлекеттик актысын жараксыз деп табуу жөнүндө сотко арыз берүүнүн мөөнөтүн калыбына келтирүүдөн баш тартылган. Э.Курбаналиевдин Т.Карабаевдин атына чыгарылган Өзгөн шаар башкармалыгынын 2006-жылдын 27-июлундагы № 314 токтомун жана Өзгөн райондук жерге жайгаштыруу жана кыймылсыз мүлккө укуктарды каттоо башкармалыгы тарабынан Т.Карабаевдин атына 2006-жылдын 11-августунда берилген жер участогуна болгон жеке менчик укугу жөнүндөгү сериясы Ч № 394028 сандуу мамлекеттик актысын жараксыз деп таап берүү талабы боюнча сот иши өндүрүштөн токтотулган.

(төрагалык кылуучу: Эгембердиева А.У., судьялар Аширбаев И.М., Масабирова Т.Ж.)

Кыргыз Республикасынын Жогорку сотунун судьясынын баяндамасын жана Кыргыз Республикасынын Башкы прокуратурасынын өкүлүнүн пикирин угуп,

ТАПТЫ:

Курбаналиев Эркинжан Махамадович сотко арыз менен кайрылып, анда сотко арыз менен кайрылуу мөөнөтүн калыбына келтирип, Өзгөн шаар башкармалыгынын 2006-жылдын 27-июлундагы № 314 токтомун, Өзгөн райондук жерге жайгаштыруу жана кыймылсыз мүлккө укуктарды каттоо башкармалыгы тарабынан Т.Карабаевдин наамына берилген жер участогуна болгон жеке менчик укугу жөнүндө мамлекеттик актыны жараксыз деп таап берүүнү суранган.