Жұмыстар мен жұмысшы кәсіптерінің бірыңғай тарифтік-біліктілік анықтамалығы (59-шығарылым) (Қазақстан Республикасы Еңбек және халықты әлеуметтік қорғау министрінің 2019 жылғы 4 қыркүйектегі № 478 бұйрығына қосымша)

Қазақстан Республикасы

Еңбек және халықты әлеуметтік

қорғау министрінің

2019 жылғы 4 қыркүйектегі

№ 478 бұйрығына

қосымша

Жұмыстар мен жұмысшы кәсіптерінің бірыңғай тарифтік-біліктілік анықтамалығы
(59-шығарылым)

1-тарау. Кіріспе

1. Жұмыстар мен жұмысшы кәсіптерінің бірыңғай тарифтік біліктілік анықтамалығы (59-шығарылым) (бұдан әрі - БТБА) мына жұмыстарды:

музыкалық аспаптары өндірісін (жалпы кәсіптер);

клавиштік аспаптар өндірісін;

қияқты аспаптар өндірісін;

шертпелі аспаптар өндірісін;

тілдік аспаптар өндірісін;

үрмелі және ұрмалы аспаптар өндірісін;

музыкалық аспаптарды жөндеу және қайта жаңартуды қамтиды.

2. Жұмыстар мен жұмысшы кәсіптерінің бірыңғай тарифтік-біліктілік аңықтамалығын (59-шығарылым) Қазақстан Республикасының Еңбек және халықты әлеуметтік қорғау министрлігі әзірлеген.

3. Тарифтік-біліктілік сипаттамалар осы БТБА-да көрсетілген өндірістер мен жұмыс түрлері бар ұйымдардың меншік нысанына және ұйымдық-құқықтық нысанына қарамастан, олардағы жұмысшылардың жұмыстарын тарификациялаған және біліктілік разрядтарын белгілеген кезде қолданылады.

2-тарау. Музыкалық аспаптар өндірісіне (жалпы кәсіптер) арналған разрядтар бойынша жұмысшы кәсіптерінің тарифтік-біліктілік сипаттамалары

Параграф 1. Арнайы ағаш өңдеу станоктарының станокшысы, 2-разряд

4. Жұмыс сипаттамасы:

музыкалық аспаптардың қарапайым ағаш бөлшектері мен тораптарын арнайы дөңгелетіп аралау, бұрғылау, фрезерлеу және тегістеу станоктарында өңдеу;

клавишті музыкалық аспаптардың балғашаларының керндерін бұрғылаудың қажетті бұрыштарын алу үшін көлденең бұрғылау станогының бұрылыс алаңының бұрышын анықтау;

балғашалар саңылауларының диаметрлері мен бүгілу бұрыштарын арнайы калибрмен - тығынмен және бұрыштық калибрмен тексеру.

5. Білуге тиіс:

арнайы ағаш өңдеу станоктарының мақсаты, жұмыс қағидаты;

арнайы құрылғылардың құрылысы және оларды пайдалану ережесі;

геометрия және кесу құралын қайрау ережесі;