Қазақстан Республикасының Әділет министрлігі мен Сауд Арабиясы Корольдігінің Әділет министрлігі арасындағы сот төрелігі саласындағы өзара түсіністік және ынтымақтастық туралы меморандум (Жоба) (2023 жыл 15 желтоқсан)

Жоба

Қазақстан Республикасының Әділет министрлігі мен Сауд Арабиясы Корольдігінің Әділет министрлігі

арасындағы сот төрелігі саласындағы өзара түсіністік және ынтымақтастық туралы

меморандум

ҚР Әділет министрінің 2023 жылғы 15 желтоқсандағы № 910 бұйрығымен мақұлданды

Қазақстан Республикасының Әділет министрлігі мен Сауд Арабиясы Корольдігінің Әділет министрлігі (бұдан әрі - «Тараптар» деп аталады), екі мемлекеттің де қолданылатын заңнамасына сәйкес ынтымақтастықты қолдауға және кеңейтуге ниет білдіре отырып, төмендегілер туралы уағдаласты:

1-бап

Тараптар мынадай салалар бойынша ынтымақтасады:

1) құқықтық жүйе және өз министрліктерінің құқықтық саясат тұжырымдамасы;

2) Тараптар сарапшыларының біліктілігін арттыру;

3) заң практикасы және дауларды баламалы түрде шешу;

4) Тараптар келіскен кез келген басқа да салалар.

2-бап

Осы Меморандум шеңберінде ынтымақтастықты жүзеге асыру мынадай түрде іске асырылады:

1) өзара ақпарат, тәжірибе және үздік әлемдік практика алмасу;

2) сарапшылар мен мамандардың өзара іс-сапарларын ұйымдастыру;

3) конференциялар, семинарлар, кеңестер, оқу курстары мен жұмыс сессияларын ұйымдастыру;

4) екі Тарап келіскен кез келген басқа да әдіс.

3-бап

Тараптар өзінің қолда бар мүмкіндіктеріне сәйкес осы Меморандум жөніндегі өз міндеттемелерін орындау кезінде шеккен шығыстарды дербес көтереді.

4-бап