«Мектепке дейінгі балалар ұйымдарына жіберу үшін мектепке дейінгі жастағы (7 жасқа толмаған) балаларды кезекке қою» мемлекеттік көрсетілетін қызмет регламенті (Ақмола облысы әкімдігінің 2015 жылғы 3 маусымдағы № А-6/250 қаулысымен бекітілді) (күші жойылды)

Ақмола облысы әкімдігінің 2018 жылғы 27 наурыздағы № А-4/146 Қаулысымен күші жойылды

Ақмола облысы әкімдігінің

2015 жылғы 3 маусымдағы

№ А-6/250 қаулысымен

бекітілді

«Мектепке дейінгі балалар ұйымдарына жіберу үшін мектепке дейінгі жастағы (7 жасқа толмаған) балаларды кезекке қою»

мемлекеттік көрсетілетін қызмет регламенті


1. Жалпы ережелер

1. «Мектепке дейінгі балалар ұйымдарына жіберу үшін мектепке дейінгі жастағы (7 жасқа толмаған) балаларды кезекке қою» мемлекеттік көрсетілетін қызмет (бұдан әрі - мемлекеттік көрсетілетін қызмет) Ақмола облысы аудандарының, Көкшетау және Степногорск қалаларының, кенттерінің, ауылдарының, ауылдық округтерінің жергілікті атқарушы органдарымен (бұдан әрі - көрсетілетін қызметті беруші) көрсетілетін қызметті беруші: «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (бұдан әрі - ХҚКО), «электронды үкімет» www.egov.kz (бұдан әрі - портал) веб-порталы арқылы көрсетіледі.

2. Мемлекеттік көрсетілетін қызметті беру нысаны: электронды (толық автоматтандырылған) және (немесе) қағаз түрінде.

3. Мектепке дейінгі балалар ұйымдарына жолдама беру болып табылады, мектепке дейінгі ұйымда орын болмаған жағдайда кезектілік нөмірі көрсетілген кезекке қою туралы хабарлама беру мемлекеттік көрсетілетін қызмет берудің нәтижесі болып табылады.

Мемлекеттік көрсетілетін қызмет берудің нәтижесін ұсыну нысаны: электронды (толық автоматтандырылған) және (немесе) қағаз түрінде.

2. Мемлекеттік көрсетілетін қызметті беру процесінде көрсетілетін қызметті берушінің құрылымдық бөлімшесінің (қызметшілерінің) әрекет ету тәртібінің сипаттамасы

4. Мемлекеттік көрсетілетін қызметті алу үшін көрсетілетін қызметті алушы Қазақстан Республикасы Білім және ғылым министрінің 2015 жылғы 7 сәуірдегі № 172 бұйрығымен бекітілген «Мектепке дейінгі балалар ұйымдарына жіберу үшін мектепке дейінгі жастағы (7 жасқа толмаған) балаларды кезекке қою» мемлекеттік көрсетілетін қызмет стандартының 9-тармағында көрсетілген құжаттарды ұсынады.