«Алматы облысы әкімдігінің 2016 жылғы 3 наурыздағы № 110 «Жергілікті маңызы бар балық шаруашылығы су айдындарының тізбесін бекіту туралы» қаулысына өзгеріс енгізу туралы» Алматы облысы әкімдігінің 2020 жылғы 17 қыркүйектегі № 345 Қаулысы (күші жойылды)

Алматы облысы әкімдігінің 2016 жылғы 3 наурыздағы № 110 «Жергілікті маңызы бар балық шаруашылығы су айдындарының тізбесін бекіту туралы» қаулысына өзгеріс енгізу туралы
Алматы облысы әкімдігінің 2020 жылғы 17 қыркүйектегі № 345 Қаулысы

Алматы облысы әкімдігінің 2025 жылғы 28 наурыздағы № 87 Қаулысымен күші жойылды

«Құқықтық актілер туралы» 2016 жылғы 6 сәуірдегі Қазақстан Республикасы Заңының 26-бабына, «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 37-бабына, «Жануарлар дүниесін қорғау, өсімін молайту және пайдалану туралы» 2004 жылғы 9 шілдедегі Қазақстан Республикасы Заңының 10-бабы 2-тармағының 3) тармақшасына сәйкес, облыс әкімдігі ҚАУЛЫ ЕТЕДІ:

1. Алматы облысы әкімдігінің «Жергілікті маңызы бар балық шаруашылығы су айдындарының тізбесін бекіту туралы» 2016 жылғы 3 наурыздағы № 110 (Нормативтік құқықтық актілерді мемлекеттік тіркеу тізілімінде № 3785 тіркелген, 2016 жылдың 30 маусымында «Әділет» ақпараттық-құқықтық жүйесінде жарияланған) қаулысына келесі өзгеріс енгізілсін:

Алматы облысының жергілікті маңызы бар балық шаруашылығы су айдындарының тізбесі осы қаулының қосымшасына сәйкес жаңа редакцияда бекітілсін.

2. «Алматы облысының табиғи ресурстар және табиғатты пайдалануды реттеу басқармасы» мемлекеттік мекемесі Қазақстан Республикасының заңнамасында белгіленген тәртіппен:

1) осы қаулының Алматы облысы Әділет департаментінде мемлекеттік тіркелуін;

2) осы қаулы ресми жарияланғаннан кейін оны Алматы облысы әкімдігінің интернет-ресурсында орналастыруды;

3) осы қаулы мемлекеттік тіркеуден өткеннен кейін он жұмыс күні ішінде Алматы облысы әкімі аппаратының мемлекеттік-құқық бөліміне осы тармақтың 1) және 2) тармақшаларында қарастырылған іс-шаралардың орындалуы туралы мәліметтерді ұсынуды қамтамасыз етсін.