(БҰРЫНҒЫ РЕДАКЦИЯ) ҚАРАКӨЛ ТҰҚЫМДЫ ҚОЙЛАРЫН АСЫЛ ТҰҚЫМДЫҚ ҚҰНДЫЛЫҒЫН БО...

Осы редакция 2023 жылғы 28 шілдеде енгізілген өзгерістеріне дейін қолданылды

ҚР Ауыл шаруашылығы министрінің 2016.27.05. № 239 бұйрығымен нұсқаулық жаңа редакцияда (бұр.ред.қара)

Қазақстан Республикасы

Ауыл шаруашылығы министрінің

2014 жылғы 10 қазандағы

№ 3-3/517 бұйрығына

6-қосымша

Қаракөл тұқымды қойларын асыл тұқымдық құндылығын бонитирлеу

(бағалау) және өсімін молайту жөніндегі

нұсқаулық

(2016.27.05. берілген өзгерістермен)

1. Жалпы ережелер

1. Қаракөл тұқымын асыл тұқымдық құндылығын бонитирлеу (бағалау) және өсімін молайту жөніндегі нұсқаулық (бұдан әрі - Нұсқаулық) 2014 жылғы 9 шіледегі Қазақстан Республикасының «Асыл тұқымды мал шаруашылығы туралы» заңының 13-бабының 4) тармақшасына сәйкес әзірленіп, қаракөл қой тұқымын бонитирлеуді (бағалауды) нақтылай түседі.

2. Қаракөл қой тұқымын бонитирлеу бағалау бонитермен (сыныптаушымен) жүргізіледі.

2. Қаракөл тұқымды қойларын бонитирлеуді (бағалауды) ұйымдастыру

3. Қозылардың сапасын бонитирлеу (бағалау) екінші-үшінші күні, ашық жерде өткізіледі, күннің шашыраңқы сәулесі қозының үстіне түскені абзал.

Бонитирлеудің (бағалаудың) екінші кезеңі 15-20 күні жүргізіледі. Қозының дамуы, қаракөлдің сақталу қасиеті бағаланады. Терінің пигментациясы мен бұралымы жаман сақталып, ақ және құрғақ жүннің пайда болуы қозыларды асыл тұқымға қалдыруға болмауына себеп, ол шығарылып тасталады.

4. Нәзік және қырық тұрпаты малдарды жекелеген отарларға бонитирлеу (бағалау) класына қарамастан жинақтайды.

5. Класын, бұйраның енін анықтап, қозылардың құлағына ен салады, әр түрлі түсті қозыларда бұйраның енінің орнына түсі, түс қанықтығы менг реңі анықталады.