«Азаматтық және қызметтік қару мен оның патрондарының, азаматтық пиротехникалық заттар мен олар қолданылып жасалған бұйымдардың айналымы саласындағы, атыс тирлерін (атыс алаңдары) және стенділерді ашуға және олардың жұмыс істеуіне рұқсаттардың және (немесе) оларға қосымшалардың нысандарын бекіту және Қазақстан Республикасы Ішкі істер министрінің кейбір бұйрықтарына өзгерістер енгізу туралы» Қазақстан Республикасы Ішкі істер министрінің 2018 жылғы 19 ақпандағы № 133 бұйрығы (2020.06.02. берілген өзгерістермен)

Азаматтық және қызметтік қару мен оның патрондарының, азаматтық пиротехникалық заттар мен олар қолданылып жасалған бұйымдардың айналымы саласындағы, атыс тирлерін (атыс алаңдары) және стенділерді ашуға және олардың жұмыс істеуіне рұқсаттардың және (немесе) оларға қосымшалардың нысандарын бекіту және Қазақстан Республикасы Ішкі істер министрінің кейбір бұйрықтарына өзгерістер енгізу туралы
Қазақстан Республикасы Ішкі істер министрінің 2018 жылғы 19 ақпандағы № 133 бұйрығы

(2020.06.02. берілген өзгерістермен)

Осы бұйрыққа өзгерістер енгізу туралы ҚР Ішкі істер министрінің 2025 жылғы 30 мамырдағы № 407 бұйрығын қараңыз (2025 ж. 9 тамыздан бастап қолданысқа енгізіледі)

«Рұқсаттар және хабарламалар туралы» 2014 жылғы 16 мамырдағы Қазақстан Республикасы Заңының 24-бабына сәйкес БҰЙЫРАМЫН:

1. Мыналар:

1) осы бұйрыққа 1-қосымшаға сәйкес заңды тұлғаларға азаматтық және қызметтік қаруды және оған патрондарды Қазақстан Республикасының аумағына әкелуге, Қазақстан Республикасының аумағынан әкетуге және Қазақстан Республикасының аумағы арқылы транзитіне қорытындының нысаны;

2) осы бұйрыққа 2-қосымшаға сәйкес Жеке тұлғаларға азаматтық қарудың бірлі-жарым данасын және оған патрондарды Қазақстан Республикасының аумағына әкелуге, Қазақстан Республикасының аумағынан әкетуге, сондай-ақ Қазақстан Республикасының аумағы арқылы транзитіне қорытындының нысаны;

3) осы бұйрыққа 3-қосымшаға сәйкес жеке тұлғаларға азаматтық қару мен оның патрондарын сатып алуға рұқсаттың және оған қосымшаның нысаны;

4) осы бұйрыққа 4-қосымшаға сәйкес заңды тұлғаларға азаматтық және қызметтік қару мен оның патрондарын сатып алуға рұқсаттың және оған қосымшаның нысаны;

5) осы бұйрыққа 5-қосымшаға сәйкес жеке тұлғаларға азаматтық қару мен оның патрондарын сақтауға, сақтауға және алып жүруге рұқсаттың нысаны;