«Математика, физика және информатика пәндері бойынша XIV Халықаралық Жәутіков олимпиадасын өткізу туралы» Қазақстан Республикасының Білім және ғылым министрлігінің 2017 жылғы 30 қазандағы № 551 бұйрығы

Математика, физика және информатика пәндері бойынша XIV Халықаралық Жәутіков олимпиадасын өткізу туралы
Қазақстан Республикасының Білім және ғылым министрлігінің 2017 жылғы 30 қазандағы № 551 бұйрығы

Жаратылыстану-математика бағытындағы салаларда дарынды балаларды қолдау мен дамыту мақсатында БҰЙЫРАМЫН:

1. «Республикалық физика-математика мектебі» коммерциялық емес акционерлік қоғамы (Е. Баеков) 2018 жылғы 10-16 қаңтар аралығында Алматы қаласында Математика, физика және информатика пәндері бойынша XIV Халықаралық Жәутіков олимпиадасын (бұдан әрі - Олимпиада) ұйымдастырсын және өткізсін.

2. Осы бұйрыққа қосымшаға сәйкес құрамда Олимпиаданы дайындау және өткізу жөніндегі ұйымдастыру комитеті құрылсын.

3. Облыстардың, Астана және Алматы қалалары білім басқармаларының басшылары (келісім бойынша):

1) Олимпиада қатысушыларының уақытында келуін қамтамасыз етсін;

2) іссапар шығыстарын жіберуші тараптың есебіне жатқыза отырып, балалардың Алматы қаласына дейін және кері қайту кезіндегі қауіпсіздігіне жауапты жетекшілерді тағайындасын.