«Монтаждауды, реттеудi, жаңғыртуды, орнатуды, пайдалануды, сақтауды, жөндеудi және сервистiк қызмет көрсетудi қоса алғанда, оқ-дәрiлердi, қару-жарақ пен әскери техниканы, олардың қосалқы бөлшектерiн, жиынтықтаушы бұйымдары мен аспаптарын, сондай-ақ арнайы материалдарды және оларды өндiруге арналған жабдықтарды әзiрлеу, өндiру, жөндеу, сатып алу және өткiзу жөнiндегi қызметтi жүзеге асыруға лицензия беру» мемлекеттiк көрсетілетін қызмет регламенті (Қазақстан Республикасы Инвестициялар және даму министрі м. а. 2016 жылғы 14 сәуірдегі № 382 бұйрығына 1-қосымша) (күші жойылды)

ҚР Қорғаныс және аэроғарыш өнеркәсібі министрінің м.а. 2019 жылғы 18 ақпандағы № 28/НҚ бұйрығымен күші жойылды

Қазақстан Республикасы

Инвестициялар және даму

министрі міндетін атқарушының

2016 жылғы 14 сәуірдегі

№ 382 бұйрығына

1-қосымша

«Монтаждауды, реттеудi, жаңғыртуды, орнатуды, пайдалануды, сақтауды, жөндеудi

 және сервистiк қызмет көрсетудi қоса алғанда, оқ-дәрiлердi, қару-жарақ пен әскери техниканы,

 олардың қосалқы бөлшектерiн, жиынтықтаушы бұйымдары мен аспаптарын,

сондай-ақ арнайы материалдарды және оларды өндiруге арналған жабдықтарды әзiрлеу,

өндiру, жөндеу, сатып алу және өткiзу жөнiндегi қызметтi жүзеге асыруға лицензия беру»

мемлекеттiк көрсетілетін қызмет регламенті


1. Жалпы ережелер

1. «Монтаждауды, реттеудi, жаңғыртуды, орнатуды, пайдалануды, сақтауды, жөндеудi және сервистiк қызмет көрсетудi қоса алғанда, оқ-дәрiлердi, қару-жарақ пен әскери техниканы, олардың қосалқы бөлшектерiн, жиынтықтаушы бұйымдары мен аспаптарын, сондай-ақ арнайы материалдарды және оларды өндiруге арналған жабдықтарды әзiрлеу, өндiру, жөндеу, сатып алу және өткiзу жөнiндегi қызметтi жүзеге асыруға лицензия беру» Мемлекеттiк көрсетілетін қызметті Қазақстан Республикасы Инвестициялар және даму министрлiгінің Индустриялық даму және өнеркәсiптiк қауiпсiздiк комитетi (бұдан әрi - көрсетілетін қызметті беруші) көрсетеді.

Құжаттарды қабылдау және мемлекеттік қызметті көрсету нәтижелерін беру:

1) көрсетілетін қызметті берушінің кеңсесі;

2) www.egov.kz, www.elicense.kz «электрондық үкімет» веб-порталы арқылы (бұдан әрі - Портал) жүзеге асырылады.

2. Мемлекеттiк қызметтi көрсету нысаны - электрондық (жартылай автоматтандырылған) және (немесе) қағаз түрiнде.