«Тауар биржалары саласында брокерлік қызметпен айналысу құқығына лицензия беру» мемлекеттiк көрсетілетін қызмет стандарты (Қазақстан Республикасы Ұлттық экономика министрінің 2015 жылғы 21 сәуірдегі № 347 бұйрығына 4-қосымша) (2019.10.01. берілген өзгерістер мен толықтырулармен) (күші жойылды)

Қазақстан Республикасы

Ұлттық экономика министрінің

2015 жылғы 21 сәуірдегі

№ 347 бұйрығына

4-қосымша

ҚР Сауда және интеграция министрінің 2020 жылғы 16 наурыздағы № 51-НҚ бұйрығымен күші жойылды

«Тауар биржалары саласында брокерлік қызметпен айналысу құқығына лицензия беру»

мемлекеттiк көрсетілетін қызмет стандарты

(2019.10.01. берілген өзгерістер мен толықтырулармен)

ҚР Ұлттық экономика министрінің 2019.10.01. № 2 бұйрығымен 1-тараудың тақырыбы жаңа редакцияда (бұр.ред.қара)

1-тарау. Жалпы ережелер

1. «Тауар биржалары саласында брокерлік қызметпен айналысу құқығына лицензия беру» мемлекеттік көрсетілетін қызметі (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасының Ұлттық экономика министрлігі әзірледі.

ҚР Ұлттық экономика министрінің 2016.26.01. № 29 бұйрығымен 3-тармақ жаңа редакцияда (бұр.ред.қара)

3. Мемлекеттік қызметті Қазақстан Республикасының Ұлттық экономика министрлігі (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік көрсетілетін қызмет нәтижелерін беру:

1) «Азаматтарға арналған үкімет» мемлекеттік корпорациясы» коммерциялық емес акционерлік қоғамы (бұдан әрі - Мемлекеттік корпорация);

2) www.elicense.kz «Е-лицензиялау» веб-порталы немесе www.e.gov.kz «электрондық үкімет» веб-порталы (бұдан әрі - портал) арқылы жүзеге асырылады.

ҚР Ұлттық экономика министрінің 2019.10.01. № 2 бұйрығымен 2-тараудың тақырыбы жаңа редакцияда (бұр.ред.қара)

2-тарау. Мемлекеттiк қызмет көрсету тәртібі

ҚР Ұлттық экономика министрінің 2016.26.01. № 29 бұйрығымен (бұр.ред.қара); 2019.10.01. № 2 бұйрығымен  (бұр.ред.қара) 4-тармақ жаңа редакцияда

4. Мемлекеттiк қызмет көрсету мерзімдері:

Мемлекеттік корпорацияға немесе порталға жүгінген кезде:

мемлекеттiк қызмет көрсету нәтижелерін беру - 5 (бес) жұмыс күні ішінде;

лицензияны қайта ресімдеу - 3 (үш) жұмыс күні ішінде;

қажетті құжаттарды тапсыру кезінде кезекте күтудің ең ұзақ рұқсат етілген уақыты - 15 (он бес) минут;