(БҰРЫНҒЫ РЕДАКЦИЯ) «КЕҢ ТАРАЛҒАН ПАЙДАЛЫ ҚАЗБАЛАРДЫ БАРЛАУҒА, ӨНДIРУГЕ ...

Осы редакция 2017 жылғы 27 қазанда енгізілген өзгерістеріне дейін қолданылды

Ақтөбе облысы әкімдігінің

2015 жылғы 3 шілдедегі

№ 245 қаулысымен бекітілді

«Кең таралған пайдалы қазбаларды барлауға, өндiруге келiсiмшарттар жасасу, оларды тiркеу және сақтау»

 мемлекеттік көрсетілетін қызмет регламенті


1. Жалпы ережелер

1. «Кең таралған пайдалы қазбаларды барлауға, өндiруге келiсiмшарттар жасасу, оларды тiркеу және сақтау» мемлекеттік көрсетілетін қызметі (бұдан әрі - мемлекеттік көрсетілетін қызмет) «Ақтөбе облысының табиғи ресурстар және табиғатты пайдалануды реттеу басқармасы» мемлекеттік мекемесімен (бұдан әрі - көрсетілетін қызметті беруші) көрсетіледі.

Өтініштерді қабылдау және мемлекеттік көрсетілетін қызмет нәтижелерін беру көрсетілетін қызметті берушінің кеңсесі арқылы жүзеге асырылады.

2. Мемлекеттік қызметті көрсету нысаны: қағаз түрінде.

3. Мемлекеттік көрсетілетін қызметтің нәтижесі - қол қойылған және тіркелген кең таралған пайдалы қазбаларды барлауға, өндіруге арналған кеілісімшарт (бұдан әрі - келісімшарт).

Мемлекеттік қызметті көрсетудің нәтижесін беру нысаны: қағаз түрінде.

2. Мемлекеттік қызмет көрсету үдерісінде көрсетілетін қызметті берушінің құрылымдық

бөлімшелерінің (қызметкерлерінің) іс-әрекеттер тәртібін сипаттау

4. Мемлекеттiк қызметтi көрсету бойынша іс-әрекетті бастау негізі еркін нысандағы өтініш болып табылады.

5. Мемлекеттік қызмет көрсету үдерісінің құрылымына кіретін әрбір рәсімнің (іс-әрекеттің) мазмұны және оның нәтижесі:

1) көрсетілетін қызметті алушы (не сенімхат бойынша оның өкілі) көрсетілетін қызметті берушіге Қазақстан Республикасы Инвестициялар және даму министрінің 2015 жылғы 28 сәуірдегі № 501 «Геология және су ресурстарын пайдалану саласындағы мемлекеттік көрсетілетін қызметтер стандарттарын бекіту туралы» бұйрығымен бекітілген «Кең таралған пайдалы қазбаларды барлауға, өндiруге келiсiмшарттар жасасу, оларды тiркеу және сақтау» мемлекеттік көрсетілетін қызмет стандартының (бұдан әрі - Стандарт) 9-тармағына сәйкес құжаттар ұсынады;