(БҰРЫНҒЫ РЕДАКЦИЯ) «КЕПІЛДІК МІНДЕТТЕМЕНІ (ТҮПКІЛІКТІ ПАЙДАЛАНУШЫНЫҢ СЕ...

Осы редакция 2019 жылғы 30 шілдеде енгізілген өзгерістеріне дейін қолданылды

Қазақстан Республикасы

Инвестициялар және даму министрінің

2015 жылғы 30 сәуірдегі

№ 563 бұйрығына 10-қосымша

«Кепілдік міндеттемені (түпкілікті пайдаланушының сертификатын) беру»

мемлекеттiк көрсетілетін қызмет стандарты

(2018.12.01. берілген өзгерістер мен толықтырулармен)

«Кепілдік міндеттемені (түпкілікті пайдаланушының сертификатын) беру» мемлекеттiк көрсетілетін қызмет регламентіне қараңыз

1. Жалпы ережелер

1. «Кепiлдiк мiндеттеме (түпкiлiктi пайдаланушының сертификатын) беру» мемлекеттiк көрсетілетін қызметі (бұдан әрi - мемлекеттiк көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Инвестициялар және даму министрлігі (бұдан әрi - Министрлік) әзірледі.

ҚР Инвестициялар және даму министрінің 2016.21.01. № 37 бұйрығымен (бұр.ред.қара); 2018.12.01. № 27 бұйрығымен (бұр.ред.қара) 3-тармақ өзгертілді

3. Мемлекеттiк қызметті Министрлiктің Индустриялық даму және өнеркәсiптiк қауiпсiздiк комитетi (бұдан әрi - көрсетілетін қызметті беруші) көрсетедi.

Өтінішті қабылдау және мемлекеттік қызмет көрсету нәтижесін беру:

1) «Азаматтарға арналған үкімет» мемлекеттік корпорациясының коммерциялық емес акционерлік қоғамы (бұдан әрі - Мемлекеттік корпорация);

2) «электрондық үкіметтің» www.egov.kz, www.elicense.kz веб-порталы (бұдан әрі - портал) арқылы жүзеге асырылады.

2. Мемлекеттiк қызмет көрсету тәртiбi

ҚР Инвестициялар және даму министрінің 2016.21.01. № 37 бұйрығымен 4-тармақ өзгертілді (бұр.ред.қара); ҚР Инвестициялар және даму министрінің 2018.12.01. № 27 бұйрығымен 4-тармақ жаңа редакцияда (бұр.ред.қара)

4. Мемлекеттік қызмет көрсету мерзімі:

1) Мемлекеттік корпорацияға құжаттар топтамасын тапсырған сәттен бастап - 10 (он) жұмыс күні;

құжаттар топтамасын тапсыру үшін күтудің рұқсат етілетін ең ұзақ уақыты - 15 (он бес) минут;

қызмет көрсетудің рұқсат етілетін ең ұзақ уақыты - 15 (он бес) минут;

Мемлекеттік корпорацияға жүгінген кезде қабылдау күні мемлекеттік қызметті көрсету мерзіміне кірмейді;