«Жетім балалардың, ата-анасының қамқорлығынсыз қалған балалардың және арнаулы әлеуметтік қызметтерді алушы болып табылатын балалардың үш жасты қоса алғанда, осы жасқа толғанға дейін мемлекеттік медициналық ұйымдарда болу қағидаларын бекіту туралы» Қазақстан Республикасы Денсаулық сақтау министрінің м.а. 2020 жылғы 24 желтоқсандағы № ҚР ДСМ-327/2020 бұйрығы (2025.13.04. берілген өзгерістер мен толықтыруларымен)

Жетім балалардың, ата-анасының қамқорлығынсыз қалған балалардың және арнаулы әлеуметтік қызметтерді алушы болып табылатын балалардың үш жасты қоса алғанда, осы жасқа толғанға дейін мемлекеттік медициналық ұйымдарда болу қағидаларын бекіту туралы

Қазақстан Республикасы Денсаулық сақтау министрінің м.а. 2020 жылғы 24 желтоқсандағы № ҚР ДСМ-327/2020 бұйрығы

(2025.13.04. берілген өзгерістер мен толықтыруларымен)

ҚР Денсаулық сақтау министрінің м.а. 2025.31.03. № 26 бұйрығымен тақырыбы жаңа редакцияда (2025 ж. 13 сәуірден бастап қолданысқа енгізілді) (бұр.ред.қара)

ҚР Денсаулық сақтау министрінің м.а. 2025.31.03. № 26 бұйрығымен кіріспе жаңа редакцияда (2025 ж. 13 сәуірден бастап қолданысқа енгізілді) (бұр.ред.қара)

«Халық денсаулығы және денсаулық сақтау жүйесі туралы» Қазақстан Республикасының Кодексі 78-бабының 8-тармағына және «Қазақстан Республикасындағы баланың құқықтары туралы» Қазақстан Республикасының Заңы 30-бабының 1-тармағына сәйкес БҰЙЫРАМЫН:

ҚР Денсаулық сақтау министрінің м.а. 2025.31.03. № 26 бұйрығымен 1-тармақ жаңа редакцияда (2025 ж. 13 сәуірден бастап қолданысқа енгізілді) (бұр.ред.қара)

1. Осы бұйрыққа қосымшаға сәйкес Жетім балалардың, ата-анасының қамқорлығынсыз қалған балалардың және арнаулы әлеуметтік қызметтерді алушы болып табылатын балалардың үш жасты қоса алғанда, осы жасқа толғанға дейін мемлекеттік медициналық ұйымдарда болу қағидалары бекітілсін.

2. Қазақстан Республикасы Денсаулық сақтау министрлігінің Медициналық көмекті ұйымдастыру департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты Қазақстан Республикасы Денсаулық сақтау министрлігінің интернет-ресурсында орналастыруды;