«Жер қойнауын пайдалануға, барлаумен немесе өндірумен байланысты емес жерасты құрылыстарын салуға және (немесе) пайдалануға келісімшарттар жасасу, тіркеу және сақтау» мемлекеттік көрсетілетін қызмет регламенті (Ақтөбе облысы әкімдігінің 2015 жылғы 3 шілдедегі № 245 қаулысымен бекітілді) (2017.27.10. берілген өзгерістермен) (күші жойылды)

Ақтөбе облысы әкімдігінің

2015 жылғы 3 шілдедегі

№ 245 қаулысымен бекітілді

Ақтөбе облысы әкімдігінің 2020 жылғы 17 наурыздағы № 105 Қаулысымен күші жойылды

«Жер қойнауын пайдалануға, барлаумен немесе өндірумен байланысты емес жерасты

құрылыстарын салуға және (немесе) пайдалануға келісімшарттар жасасу, тіркеу және сақтау»

мемлекеттік көрсетілетін қызмет регламенті

(2017.27.10. берілген өзгерістермен)


1. Жалпы ережелер

Ақтөбе облысы әкімдігінің 2017.27.10. № 374 Қаулысымен 1-тармақ өзгертілді (бұр.ред.қара)

1. «Жер қойнауын пайдалануға, барлаумен немесе өндірумен байланысты емес жерасты құрылыстарын салуға және (немесе) пайдалануға келісімшарттар жасасу, тіркеу және сақтау» мемлекеттік көрсетілетін қызметі (бұдан әрі - мемлекеттік көрсетілетін қызмет) «Ақтөбе облысының индустриялық-инновациялық даму басқармасы» мемлекеттік мекемесімен (бұдан әрі - көрсетілетін қызметті беруші) көрсетіледі.

Өтініштерді қабылдау және мемлекеттік көрсетілетін қызмет нәтижелерін беру көрсетілетін қызметті берушінің кеңсесі арқылы жүзеге асырылады.

2. Мемлекеттік қызметті көрсету нысаны: қағаз түрінде.

3. Мемлекеттік көрсетілетін қызметтің нәтижесі - Қазақстан Республикасы Инвестициялар және даму министрінің 2015 жылғы 28 сәуірдегі № 501 «Геология және су ресурстарын пайдалану саласындағы мемлекеттік көрсетілетін қызметтер стандарттарын бекіту туралы» бұйрығымен бекітілген «Жер қойнауын пайдалануға, барлаумен немесе өндірумен байланысты емес жерасты құрылыстарын салуға және (немесе) пайдалануға келісімшарттар жасасу, тіркеу және сақтау» мемлекеттік көрсетілетін қызмет стандартының (бұдан әрі - Стандарт) 1-қосымшасына сәйкес нысан бойынша Қазақстан Республикасында жер қойнауын пайдалану құқығын беруге, барлауға немесе өндіруге байланысты емес жерасты құрылыстарын салуға және (немесе) пайдалануға арналған келісімшарттарды мемлекеттік тіркеу актісі; барлаумен немесе өндірумен байланысты емес жерасты құрылыстарын салуға және (немесе) пайдалануға келісімшарт (бұдан әрі - келісімшарт (акт)).

Мемлекеттік қызметті көрсетудің нәтижесін беру нысаны: қағаз түрінде.