«Архивтік анықтамалар беру» мемлекеттік көрсетілетін қызмет регламентін бекіту туралы» Қызылорда облыстық әкімдігінің 2015 жылғы 8 маусымдағы № 28 Қаулысы (2017.15.06. берілген өзгерістермен) (күші жойылды)

«Архивтік анықтамалар беру» мемлекеттік көрсетілетін қызмет регламентін бекіту туралы
Қызылорда облыстық әкімдігінің 2015 жылғы 8 маусымдағы № 28 Қаулысы

(2017.15.06. берілген өзгерістермен)

Қызылорда облысы әкімдігінің 2018 жылғы 26 сәуірдегі № 1107 Қаулысымен күші жойылды

Қызылорда облысы әкімдігінің 2017.15.06. № 808 Қаулысымен тақырыбы жаңа редакцияда (бұр.ред.қара)

Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңына және «Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі Заңына сәйкес Қызылорда облысының әкімдігі ҚАУЛЫ ЕТЕДІ:

1. Қоса беріліп отырған «Мұрағат анықтамаларын беру» мемлекеттік көрсетілетін қызмет регламенті бекітілсін.

2. Осы қаулының орындалуын бақылау Қызылорда облысы әкімінің орынбасары Р. Кенжеханұлына жүктелсін.

3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі, бірақ «Мұрағат ісі саласындағы мемлекеттік көрсетілетін қызметтер стандарттарын бекіту туралы» Қазақстан Республикасы Мәдениет және спорт министрінің 2015 жылғы 17 сәуірдегі № 138 бұйрығы қолданысқа енгізілгеннен бұрын емес.

Қызылорда облысы әкімдігінің 2017.15.06. № 808 Қаулысымен мемлекеттік көрсетілетін қызмет регламенті жаңа редакцияда (бұр.ред.қара)

Қызылорда облысы әкімдігінің

2015 жылғы 8 маусымдағы

№ 28 қаулысымен

бекітілген

«Архивтік анықтамалар беру»

 мемлекеттік көрсетілетін қызмет регламенті

1. Жалпы ережелер

1. Көрсетілетін қызметті берушiнің атауы: «Қызылорда облысының мәдениет, архивтер және құжаттама басқармасы» мемлекеттік мекемесінің облыстық, қалалық, аудандық мемлекеттік архивтері (бұдан әрі - көрсетілетін қызметті беруші).

Өтініштерді қабылдау және мемлекеттік қызмет көрсету нәтижелерін беру:

1) көрсетілетін қызметті берушінің кеңсесі;