Тауарлық газды тасымалдау жөнiнде көрсетілетін қызметтерді ұсынуға арналған үлгі шарт (Қазақстан Республикасы Ұлттық экономика министрінің 2015 жылғы 27 наурыздағы № 266 бұйрығына 3-қосымша) (күші жойылды)

ҚР Ұлттық экономика министрінің 2019 жылғы 24 маусымдағы № 58 бұйрығымен күші жойылды

Қазақстан Республикасы

Ұлттық экономика министрінің

2015 жылғы 27 наурыздағы

№ 266 бұйрығына 3-қосымша

Тауарлық газды тасымалдау жөнiнде көрсетілетін қызметтерді
ұсынуға арналған үлгі шарт

Бұдан әрi Өнім беруші деп аталатын, тауарлық газды тасымалдау жөнiнде көрсетілетін қызметтерді ұсынатын (бұдан әрi - Көрсетілетін

қызметтер)___________________________________________________________________________________________________ атынан

(қызметтi ұсынатын субъектiнiң атауы, құрылтай құжаттары, заңды тұлғаны мемлекеттік тiркеу

(қайта тіркеу) туралы куәлiк* немесе анықтама, берілген күнi және берген орган)

_____________________________________________ негізінде әрекет ететін_______________________________________ бiр тараптан және

(лауазымы, А.Ә.Т.)

бұдан әрi Тұтынушы деп аталатын_________________________________________________________________________________________

(тұтынушының деректемелерi, құрылтай құжаттары, заңды тұлғаны мемлекеттiк тiркеу

 (қайта тіркеу) туралы куәлiк* немесе анықтама, берілген күнi және берген орган)

атынан_____________________________________________негізінде әрекет ететін ________________________________________________

 (лауазымы, А.Ә. Т.)

екiншi тараптан, төмендегiлер туралы осы Шартты (бұдан әрi - Шарт) жасасты:

1. Шартта пайдаланылатын негiзгi ұғымдар

1. Шартта мынадай негiзгi ұғымдар пайдаланылады:

1) беру пунктi - тауарлық газды Тұтынушыға немесе оның уәкiлеттi өкiлiне беру жүргiзiлетiн тауарлық газды тасымалдаудың түпкiлiктi пунктi;

2) газды қабылдау (беру) пунктi - шарттарда Өнім берушi мен тұтынушы арасында айқындалатын, әдетте газды есепке алу аспабымен жарақталған газ жеткiзу пунктi;

3) есеп айырысу кезеңi - жеткiзiлген газдың көлемi айқындалатын, Өнім берушi мен тұтынушы арасында жеткiзiлген газ үшiн өзара есеп айырысу жүргiзiлетiн кезең. Тараптар келiскен есеп айырысу кезеңi шартта көрсетiледi.