«Атбасар ауданында тұрғын үй көмегін көрсету мөлшерін және тәртібін айқындау туралы» Ақмола облысы Атбасар аудандық мәслихатының 2021 жылғы 28 мамырдағы № 7С 4/9 шешімі

Атбасар ауданында тұрғын үй көмегін көрсету мөлшерін және тәртібін айқындау туралы
Ақмола облысы Атбасар аудандық мәслихатының 2021 жылғы 28 мамырдағы № 7С 4/9 шешімі

Қазақстан Республикасының «Тұрғын үй қатынастары туралы» Заңының 97-бабына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабына, Қазақстан Республикасы Үкіметінің 2009 жылғы 30 желтоқсандағы № 2314 «Тұрғын үй көмегін көрсету ережесін бекіту туралы» қаулысына сәйкес, Атбасар аудандық мәслихаты ШЕШТІ:

1. Атбасар ауданында тұрғын үй көмегін көрсету мөлшері және тәртібі осы шешімнің қосымшасына сәйкес айқындалсын.

2. Осы шешім әділет органдарында мемлекеттік тіркелген күннен бастап күшіне енеді және оның алғаш ресми жарияланған күнінен кейін күнтізбелік он күн өткен соң қолданысқа енгізіледі.

Атбасар аудандық маслихатының

2021 жылғы 28 мамырдағы

№ 7С 4/9 шешіміне

қосымша

Атбасар ауданында тұрғын үй көмегін көрсету мөлшері және тәртібі

1 тарау. Жалпы ережелер

1. Тұрғын үй көмегі жергілікті бюджет қаражаты есебінен Қазақстан Республикасының аумағындағы жалғыз тұрғынжай ретінде меншік құқығында тұрған тұрғынжайда тұрақты тіркелген және тұратын аз қамтылған отбасыларға (азаматтарға), сондай-ақ мемлекеттік тұрғын үй қорынан берілген тұрғынжайды және жеке тұрғын үй қорынан жергілікті атқарушы орган жалдаған тұрғынжайды жалдаушыларға (қосымша жалдаушыларға) Атбасар ауданында тұратындарға беріледі.

2. Тұрғын үй көмегін тағайындауды уәкілетті орган – «Атбасар ауданының жұмыспен қамту және әлеуметтік бағдарламалар бөлімі» мемлекеттік мекемесі (бұдан әрі - уәкілетті орган) жүзеге асырады.

2 тарау. Тұрғын үй көмегін көрсету мөлшері