«Байқоңыр» ғарыш айлағынан ғарыш аппараттарын ұшырудың 2022 жылға арналған жоспары бойынша қорытындыны бекіту туралы» Қазақстан Республикасы Үкіметінің 2021 жылғы 22 желтоқсандағы № 916 Қаулысы (күші жойылды)

«Байқоңыр» ғарыш айлағынан ғарыш аппараттарын ұшырудың 2022 жылға арналған жоспары бойынша қорытындыны бекіту туралы
Қазақстан Республикасы Үкіметінің 2021 жылғы 22 желтоқсандағы № 916 Қаулысы

ҚР Үкіметінің 2022 жылғы 15 шілдедегі № 480 Қаулысымен күші жойылды

1999 жылғы 18 қарашадағы Қазақстан Республикасының Үкіметі мен Ресей Федерациясының Үкіметі арасындағы «Байқоңыр» ғарыш айлағынан ғарыш аппараттарын ұшырудың және зымырандарды сынақтық ұшырудың жоспарлары бойынша қорытындыны (келісуді) ұсыну және алу тәртібі туралы келісімге сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған «Байқоңыр» ғарыш айлағынан ғарыш аппараттарын ұшырудың 2022 жылға арналған жоспары бойынша қорытынды (бұдан әрі - қорытынды) бекітілсін.

2. Қазақстан Республикасының Сыртқы істер министрлігі 2021 жылғы 30 желтоқсанға дейін қорытындыны дипломатиялық арналар арқылы Ресей тарапына жіберсін.

3. Осы қаулы қол қойылған күнінен бастап қолданысқа енгізіледі.

Қазақстан Республикасы

Үкіметінің

2021 жылғы 22 желтоқсандағы

№ 916 қаулысымен

бекітілген