«Қазақстан Республикасы Қаржы министрлігінің 2020-2024 жылдарға арналған Даму жоспарының индикаторларын есептеу әдістемесін бекіту туралы» Қазақстан Республикасы Қаржы министрінің 2021 жылғы 9 маусымдағы № 549 бұйрығы

Қазақстан Республикасы Қаржы министрлігінің 2020-2024 жылдарға арналған Даму жоспарының индикаторларын есептеу әдістемесін бекіту туралы
Қазақстан Республикасы Қаржы министрінің 2021 жылғы 9 маусымдағы № 549 бұйрығы

«Қазақстан Республикасындағы мемлекеттік жоспарлау жүйесін бекіту туралы» Қазақстан Республикасы Үкіметінің 2017 жылғы 29 қарашадағы № 790 қаулысының 141 тармағына сәйкес БҰЙЫРАМЫН:

1. Қосымшаға сәйкес берілген Қазақстан Республикасы Қаржы министрлігінің 2020-2024 жылдарға арналған даму жоспары бекітілсін.

2. «Қазақстан Республикасы Қаржы министрлігінің 2020-2024 жылдарға арналған стратегиялық жоспарының индикаторларын есептеу әдістемесін бекіту туралы» Қазақстан Республикасы бірінші қаржы вице-министрінің 2019 жылғы 27 желтоқсандағы № 1435 бұйрығы жойылсын.

3. Қазақстан Республикасы Қаржы министрлігінің Персоналды басқару және стратегия департаменті (Қ.К. Орынханов) осы бүйрықтың Қазақстан Республикасы Қаржы министрлігінің интернет-ресурсында орналастырылуын қамтамасыз етсін.

4. Осы бұйрықтың орындалуын бақылауды өзіме қалдырамын.

5. Осы бұйрық қол қойылған күнінен бастап күшіне енеді.

Қазақстан Республикасы

Қаржы министрінің

2021 жылғы 9 маусымдағы

№ 549 бұйрығына

1-қосымша

Салықтық және кедендік әкімшілендіру саласында макроиндикаторды есептеу (қалыптастыру)

әдістемесі

1. Жалпы ережелер

1. Қазақстан Республикасы Қаржы министрлігінің 2020 - 2024 жылдарға арналған Даму жоспарында көзделген осы Салықтық және кедендік әкімшілендіру саласында макроиндикаторды есептеу (қалыптастыру) әдістемесі (бұдан әрі - Әдістеме) Мемлекеттік жоспарлау жүйесінің құжаттарымен келісушілік және салыстырмалық мақсатында әзірленген.

2. Осы Әдістемеде «ЖІӨ-де шоғырландырылған бюджеттің салық түсімдерінің үлесі» макроиндикаторы бойынша есептер көрсетілген.

3. Осы Әдістемеде мынадай ұғымдар қолданылады:

1) шоғырландырылған бюджетке түсетін салық түсімдері -мемлекеттік бюджетке және Қазақстан Республикасының Ұлттық қорына түсетін салық түсімдерінің сомасы;