«Вакциналар мен препараттар өндіретін ұйымдардың ұсыныстарын талдау жөніндегі сараптамалық кеңес құру туралы» Қазақстан Республикасы Денсаулық сақтау вице-министрінің 2021 жылғы 2 желтоқсандағы № 770 бұйрығы

Вакциналар мен препараттар өндіретін ұйымдардың ұсыныстарын талдау жөніндегі сараптамалық кеңес құру туралы

Қазақстан Республикасы Денсаулық сақтау вице-министрінің 2021 жылғы 2 желтоқсандағы № 770 бұйрығы

Қазақстан Республикасы Үкіметінің 2017 жылғы 17 ақпандағы № 71 қаулысымен бекітілген Қазақстан Республикасы Денсаулық сақтау және Ұлттық экономика министрліктер ережелерінің 16-тармағының 121-тармақшасына сәйкес және Қазақстан Республикасы Премьер-Министрінің орынбасары Е.Л. Тоғжановтың 2021 жылғы 23 қарашадағы № 21-05/05-3017 хаттамалық тапсырмасын орындау үшін БҰЙЫРАМЫН:

1. Осы бұйрыққа қосымшаға сәйкес құрамда Вакциналар мен препараттар өндіретін ұйымдардың ұсыныстарын талдау жөніндегі сараптамалық кеңес (бұдан әрі - Сараптамалық кеңес) құрылсын.

2. Сараптамалық кеңес 2021 жылғы 8 желтоқсанға дейінгі мерзімде вакциналар мен препараттарды өндіру бойынша енгізілген ұсыныстардың орындылығы мен негізділігі жөнінде ұсыныстар әзірлесін.

3. Қазақстан Республикасы Денсаулық сақтау министрлігінің Медициналық және фармацевтикалық бақылау комитеті Қазақстан Республикасының заңнамасында белгіленген тәртіппен Сараптамалық кеңестің қызметін қамтамасыз етсін.

4. Осы бұйрық қол қойылған күнінен бастап күшіне енеді.

Қазақстан Республикасы

Денсаулық сақтау вице-министрінің

2021 жылғы 2 желтоқсандағы

№ 770 бұйрығына қосымша

Вакциналар мен препараттар өндіретін ұйымдардың ұсыныстарын талдау

жөніндегі сараптамалық кеңесінің құрамы