«Салалық біліктілік шеңберлері мен кәсіптік стандарттарды әзірлеу жөніндегі жобалау тобын құру туралы» Қазақстан Республикасы Ауыл шаруашылығы министрінің 2022 жылғы 12 мамырдағы № 153 бұйрығы (2023.31.03. берілген өзгерістермен)

Салалық біліктілік шеңберлері мен кәсіптік стандарттарды әзірлеу жөніндегі жобалау тобын құру туралы

Қазақстан Республикасы Ауыл шаруашылығы министрінің 2022 жылғы 12 мамырдағы № 153 бұйрығы

(2023.31.03. берілген өзгерістермен)

ҚР Премьер-Министрінің орынбасары Е.Л. Тоғжановтың төрағалығымен өткен кадрлар даярлау мәселелері жөніндегі кеңестің 2022 жылғы 14 сәуірдегі № 21-05/05-3205 хаттамасын орындау үшін, БҰЙЫРАМЫН:

1. Осы бұйрыққа қосымшаға сәйкес құрамда Салалық біліктілік шеңберлерін және кәсіптік стандарттарды әзірлеу жөніндегі жобалау тобы (бұдан әрі - Жобалау тобы) құрылсын.

2. Жобалау тобы:

1) кәсіптік стандарттарды әзірлеуді/өзектендіруді қамтамасыз ету талап етілетін кәсіптер тізбесін айқындасын;

2) салалық біліктілік шеңберлерін әзірлесін;

3) кәсіби стандарттарды әзірлесін/өзектендірсін;

4) ұйымдарда кәсіби стандарттардың қолданылуын сынақтан өткізсін және талдасын.

3. Осы бұйрықтың орындалуын бақылау жетекшілік ететін Қазақстан Республикасының ауыл шаруашылығы вице-министріне жүктелсін.

4. Осы бұйрық қол қойылған күнінен бастап күшіне енеді.

ҚР Ауыл шаруашылығы министрінің м.а. 2023.31.03. № 114 бұйрығымен құрам жаңа редакцияда (бұр.ред.қара)

Қазақстан Республикасы

Ауыл шаруашылығы министрінің

2022 жылғы 12 мамырдағы

№ 153 бұйрығына қосымша

Салалық біліктілік шеңберін және кәсіптік стандарттарды әзірлеу

жөніндегі жобалау тобының құрамы