(БҰРЫНҒЫ РЕДАКЦИЯ) «ТАУАРЛАРДЫ ЖІКТЕУ ЖӨНІНДЕ АЛДЫН АЛА ШЕШІМДЕР ҚАБЫЛД...

Осы редакция 2017 жылғы 4 қазанда енгізілген өзгерістеріне дейін қолданылды

Қазақстан Республикасы

Қаржы министрінің

2015 жылғы 4 маусымдағы

№ 348 бұйрығына

39-қосымша

«Тауарларды жіктеу жөнінде алдын ала шешімдер қабылдау»

мемлекеттік көрсетілетін қызмет регламенті

(2017.16.05. берілген өзгерістер мен толықтырулармен)

1. Жалпы ережелер

ҚР Қаржы министрінің 2016.20.01 № 21 бұйрығымен 1-тармақ өзгертілді (бұр.ред.қара); ҚР Қаржы министрінің 2017.16.05. № 312 бұйрығымен 1-тармақ жаңа редакцияда (бұр.ред.қара)

1. «Тауарларды жіктеу жөнінде алдын ала шешімдер қабылдау» мемлекеттік көрсетілетін қызметті (бұдан әрі - мемлекеттік көрсетілетін қызмет) «Қазақстан Республикасының мемлекеттік кірістер органдары көрсететін мемлекеттік қызметтер стандарттарын бекіту туралы» Қазақстан Республикасы Қаржы министрінің 2015 жылғы 27 сәуірдегі № 284 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11273 болып тіркелген) «Тауарларды жіктеу жөнінде алдын ала шешімдер қабылдау» мемлекеттік көрсетілетін қызмет стандартының (бұдан әрі - Стандарт) негізінде Қаржы министрлігінің Мемлекеттік кірістер комитеті, Қаржы министрлігі Мемлекеттік кірістер комитетінің облыстар, Астана және Алматы қалалары бойынша аумақтық органдары және кеден (бұдан әрі - көрсетілетін қызметті беруші) көрсетеді.

Құжаттарды қабылдау және мемлекеттік қызметті көрсету нәтижесін беру:

1) көрсетілетін қызметті берушінің кеңсесі;

2) «Азаматтарға арналған үкімет» Мемлекеттік корпорациясы» коммерциялық емес акционерлік қоғамы (бұдан әрі - Мемлекеттік корпорация) арқылы жүзеге асырылады.

2. Мемлекеттік қызметті көрсету нысаны: қағаз түрінде.

ҚР Қаржы министрінің 2016.20.01 № 21 бұйрығымен 3-тармақ өзгертілді (бұр.ред.қара); ҚР Қаржы министрінің 2017.16.05. № 312 бұйрығымен 3-тармақ жаңа редакцияда (бұр.ред.қара)