«Павлодар ауылы әкімінің аппараты» мемлекеттік мекемесі туралы Ережені бекіту туралы» Павлодар облысы Павлодар қаласы әкімдігінің 2022 жылғы 2 маусымдағы № 914/2 Қаулысы

«Павлодар ауылы әкімінің аппараты» мемлекеттік мекемесі туралы Ережені бекіту туралы
Павлодар облысы Павлодар қаласы әкімдігінің 2022 жылғы 2 маусымдағы № 914/2 Қаулысы

Қазақстан Республикасы Әкімшілік рәсімдік-процестік кодексінің 40-бабының 2-тармағына,Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабы 2-тармағына, 37-бабының 2-тармағына, Қазақстан Республикасының «Мемлекеттік мүлік туралы» Заңының 18-бабы 8) тармақшасына, Қазақстан Республикасының 2016 жылғы 6 сәуірдегі «Құқықтық актілер туралы» Заңының 65-бабы 3-тармағына Қазақстан Республикасы Үкіметінің 2021 жылғы 1 қыркүйектегі «Мемлекеттік органдар мен олардың құрылымдық бөлімшелерінің қызметін ұйымдастырудың кейбір мәселелері туралы» № 590 қаулысына, Қазақстан Республикасы Ұлттық экономика министрінің 2017 жылғы 7 тамыздағы «Аудандық маңызы бар қала, ауыл, кент, ауылдық округ әкімінің аппараты туралы Үлгі ережені бекіту туралы» № 294 бұйрығына сәйкес сәйкес Павлодар қаласының әкімдігі ҚАУЛЫ ЕТЕДІ:

1. Осы қаулының 1-қосымшасына сәйкес «Павлодар ауылы әкімінің аппараты» мемлекеттік мекемесінің Ережесі бекітілсін.

2. Осы қаулының 2-қосымшасына сәйкес Павлодар қаласы әкімдігінің кейбір қаулыларының күші жойылсын.

3. «Павлодар ауылы әкімінің аппараты» мемлекеттік мекемесі заңнамада белгіленген тәртіппен:

осы қаулыны ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберу;

осы қаулыны Павлодар облысы әкімдігінің интернет-ресурсында орналастыру;

осы қаулыдан туындайтын өзге де қажетті шараларды қабылдау.

4. Осы қаулының орындалуын бақылау қала әкімі аппаратының басшысы Е. Б. Иманзаиповқа жүктелсін.

5. Осы қаулы алғашқы ресми жарияланған күнінен бастап қолданысқа енгізіледі.