«Фармацевтикалық өнімге сертификат беру» мемлекеттік көрсетілетін қызметтің регламенті (Қазақстан Республикасы Денсаулық сақтау және әлеуметтік даму министрінің 2015 жылғы 29 мамырдағы № 416 бұйрығына 7-қосымша) (2019.20.05. берілген өзгерістер мен толықтырулармен) (күші жойылды)

ҚР Денсаулық сақтау министрінің 2018.05.12. № ҚР ДСМ-34 бұйрығымен 7-қосымшамен толықтырылды; ҚР Денсаулық сақтау министрінің 2019.20.05. № ҚР ДСМ-83 бұйрығымен мемлекеттік көрсетілетін қызмет регламенті жаңа редакцияда (бұр.ред.қара)

Қазақстан Республикасы

Денсаулық сақтау және

әлеуметтік даму министрінің

2015 жылғы 29 мамырдағы

№ 416 бұйрығына

7-қосымша

ҚР Денсаулық сақтау министрінің м.а. 2020 жылғы 15 маусымдағы № ҚР ДСМ-65/2020 бұйрығымен күші жойылды

«Фармацевтикалық өнімге сертификат беру»

мемлекеттік көрсетілетін қызмет регламенті

(2019.20.05. берілген өзгерістер мен толықтырулармен)

1-тарау. Жалпы ережелер

1. «Фармацевтикалық өнімге сертификат беру» мемлекеттік көрсетілетін қызметін (бұдан әрі - мемлекеттік көрсетілетін қызмет) «Халық денсаулығы және денсаулық сақтау жүйесі туралы» 2009 жылғы 18 қыркүйектегі Қазақстан Республикасы Кодексінің 71-бабының негізінде, сондай-ақ Қазақстан Республикасы Денсаулық сақтау және әлеуметтік даму министрінің 2015 жылғы 28 сәуірдегі № 293 бұйрығымен бекітілген «Фармацевтикалық өнімге сертификат беру» мемлекеттік көрсетілетін қызметстандартына сәйкес (бұдан әрі - Стандарт) Қазақстан Республикасы Денсаулық сақтау министрлігінің Фармация комитеті көрсетеді (бұдан әрі - көрсетілетін қызметті беруші) (Нормативтік құқықтық актілерді мемлекеттік тіркеу тізілімінде № 11338 болып тіркелген).

Мемлекеттік қызмет көрсету үшін құжаттарды қабылдау және мемлекеттік қызмет көрсету нәтижелерін беру «электрондық үкімет» веб-порталы арқылы не «Азаматтарға арналған үкімет» мемлекеттік корпорациясы» КЕАҚ арқылы жүзеге асырылады.

2. Мемлекеттік қызмет көрсету нысаны: электрондық және (немесе) қағаз түрінде.

3. Мемлекеттік қызмет көрсету нәтижесі Стандартқа 2-қосымшаға сәйкес нысан бойынша электрондық түрде фармацевтикалық өнімге сертификат беру (бұдан әрі - сертификат) немесе Стандарттың 10-тармағында көзделген негіздемелер бойынша мемлекеттік қызмет көрсетуден бас тарту туралы дәлелдіді жауап болып табылады.