Кыргыз Республикасынын Жогорку Сотунун 2017-жылдын 10-майындагы № АД-000070/17 МО аныктамасы

Кыргыз Республикасынын Жогорку Сотунун 2017-жылдын 10-майындагы аныктамасы

Иш № АД-000070/17 МО

Көзөмөл өндүрүшү № 6-418/17 АД

Кыргыз Республикасынын Жогорку сотунун административдик жана экономикалык иштер боюнча соттук коллегиясы курамында:

төрагалык кылуучу: Боронбаева Д.С.,

судьялар: Осмоналиев К.Т., Джумашов К.О.,

сот отурумунун катчысы: Касымова Б.,

тараптардан: Н.А. өкүлү Н.Э. (13.03.2017-жылдагы ишеним каттын негизинде), КРнын Башкы прокуратурасынын өкүлү Э.Төрөмаматовдун (19.07.2016-жылдагы ишеним каттын негизинде) катышууларында,

ачык соттук отурумда Н.А. Ош облусунун райондор аралык сотунун 2016-жылдын 21-декабрындагы аныктамасына жана Ош облустук сотунун административдик жана экономикалык иштер боюнча соттук коллегиясынын 2017-жылдын 9-мартындагы токтомуна карата келтирилген көзөмөл тартибиндеги даттануусун кайра чакыртып алуу жөнүндө арызын карап,

ТАПТЫ:

Ноокат районунун прокуратурасы Жаңы-Ноокат айыл өкмөтүнүн 2003-жылдын 18-июнундагы № 59 токтомун, Ноокат райондук жерге жайгаштыруу жана кыймылсыз мүлккө укуктарды каттоо боюнча башкармалыгы тарабынан 2012-жылдын 9-октябрында, Т.А. наамына берилген сериясы # жер участогуна болгон жеке менчик укугу жөнүндө мамлекеттик актыны жараксыз деп таап берүү жөнүндөгү арыз менен сотко кайрылган. Ошону менен бирге арыз берүүчү сотко кайрылуу мөөнөтүн калыбына келтирүү жөнүндөгү өтүнүч келтирген.