Қазақстан Республикасы Инвестициялар және даму министрлігі «электрондық үкімет» шлюзі арқылы Қазақстан Республикасы Әділет министрлігінің «Жеке тұлғалар» Мемлекеттік деректер қорының ықпалдастыру бөлігі және мемлекеттік органдардың ақпараттық жүйелерінің өзара іс-қимылын қамтамасыз ету үшінақпаратты және қолжетімділікті беру қағидалары (Қазақстан Республикасы Инвестициялар және даму министрінің м.а. 2015 жылғы 25 тамыздағы № 886, Қазақстан Республикасы Әділет министрінің бірлескен бұйрығымен бекітілген)

Қазақстан Республикасы

Инвестициялар және даму министрінің м.а.

2015 жылғы 25 тамыздағы № 886,

Қазақстан Республикасы

Әділет министрінің

бірлескен бұйрығымен бекітілген

Қазақстан Республикасы Инвестициялар және даму министрлігі «электрондық үкімет» шлюзі арқылы

Қазақстан Республикасы Әділет министрлігінің «Жеке тұлғалар» Мемлекеттік деректер қорының

ықпалдастыру бөлігі және мемлекеттік органдардың ақпараттық жүйелерінің өзара іс-қимылын

қамтамасыз ету үшінақпаратты және қолжетімділікті беру

қағидалары


1. Жалпы ережелер

1. Осы Қазақстан Республикасы Инвестициялар және даму министрлігі «электрондық үкімет» шлюзі арқылы Қазақстан Республикасы Әділет министрлігінің «Жеке тұлғалар» Мемлекеттік деректер қорының ықпалдастыру бөлігі және мемлекеттік органдардың ақпараттық жүйелерінің өзара іс-қимылын қамтамасыз ету үшін ақпаратты және қолжетімділікті беру Қағидалары (бұдан әрі - Қағида) мемлекеттік органдардың ақпараттық жүйелеріне және Қазақстан Республикасы электрондық үкіметінің құрауыштарына жеке тұлғалар туралы мәліметтер беру үшін «Жеке тұлғалар» Мемлекеттік деректер қорының ықпалдастыру бөлігі мен Қазақстан Республикасының «электрондық үкімет» шлюзі арқылы ақпарат алмасу бойынша тәртіпті анықтау және реттеу мақсатында әзірленген.

2. Қағида келесі құжаттарға:

1) «Сәйкестендіру нөмірінің ұлттық тізілімі туралы» 2007 жылғы 12 қаңтардағы Қазақстан Республикасының Заңына;

2) «Ақпараттандыру туралы» Қазақстан Республикасының 2007 жылғы 11 қаңтардағы Қазақстан Республикасының Заңына;

3) «Электрондық құжат және электрондық цифрлық қолтаңба туралы» Қазақстан Республикасының 2003 жылғы 7 қаңтардағы Қазақстан Республикасының Заңына;