«2021 жылғы 10 - 13 тамыз аралығында өткізілетін Ұлттық бірыңғай тестілеуді өткізу туралы» Қазақстан Республикасы Білім және ғылым министрінің 2021 жылғы 11 тамыздағы № 398 бұйрығы

2021 жылғы 10 - 13 тамыз аралығында өткізілетін Ұлттық бірыңғай тестілеуді өткізу туралы
Қазақстан Республикасы Білім және ғылым министрінің 2021 жылғы 11 тамыздағы № 398 бұйрығы

Қазақстан Республикасы Білім және ғылым министрінің 2018 жылғы 31 қазандағы № 600 бұйрығымен бекітілген Жоғары және жоғары оқу орнынан кейінгі білімнің білім беру бағдарламаларын іске асыратын білім беру ұйымдарына оқуға қабылдаудың үлгілік қағидаларына, Қазақстан Республикасы Білім және ғылым министрінің 2017 жылғы 2 мамырдағы № 204 бұйрығымен бекітілген Ұлттық бірыңғай тестілеуді өткізу және «Ұлттық бірыңғай тестілеу тапсырғаны туралы сертификат беру» мемлекеттік көрсетілетін қызмет қағидаларына (бұдан әрі - Қағидалар) сәйкес БҰЙЫРАМЫН:

1. Мыналар:

1) осы бұйрыққа 1-қосымшаға сәйкес Ұлттық бірыңғай тестілеуді (бұдан әрі - ҰБТ) ұйымдастыру жөніндегі өңірлік мемлекеттік комиссиялардың құрамы;

2) осы бұйрыққа 2-қосымшаға сәйкес ҰБТ-ның бірыңғай талаптарын сақтау және жоғары және (немесе) жоғары оқу орнынан кейінгі білім беру бағдарламаларын іске асыратын білім беру ұйымдарына (бұдан әрі - ЖЖОКБҰ) түсушілердің даулы мәселелерін шешу жөніндегі республикалық апелляциялық комиссияның (бұдан әрі - РАК) құрамы;

3) осы бұйрыққа 3-қосымшаға сәйкес ҰБТ өткізу үшін тестілеу администраторлары мен бақылаушылар тізімі бекітілсін.

2. ҰБТ-ны ұйымдастыру жөніндегі өңірлік мемлекеттік комиссиялардың төрағалары:

1) ҰБТ өткізу пункттерінің (бұдан әрі - ҰБТӨП) ғимараттарын қоршауға алсын және қоршау сыртында ата-аналардың, мұғалімдердің, қорғаншылар және қамқоршылар болып табылатын адамдардың және өзге де тұлғалардың шоғырланбауын болдырмасын;

2) тестілеу өткізу барысында медициналық қызметкерлердің жұмысын ұйымдастырсын;