«Солтүстік Қазақстан облысы Жамбыл ауданы бойынша жер салығының базалық мөлшерлемелерін түзету туралы» Солтүстік Қазақстан облысы Жамбыл ауданы мәслихатының 2018 жылғы 20 наурыздағы № 20/3 шешімі

Солтүстік Қазақстан облысы Жамбыл ауданы бойынша жер салығының базалық мөлшерлемелерін түзету туралы
Солтүстік Қазақстан облысы Жамбыл ауданы мәслихатының 2018 жылғы 20 наурыздағы № 20/3 шешімі

«Салық және бюджетке төленетін басқа да міндетті төлемдер туралы» (Салық кодексі) 2017 жылғы 25 желтоқсандағы Қазақстан Республикасы Кодексінің 503, 504, 505, 506, 704-баптарына сәйкес, Солтүстік Қазақстан облысы Жамбыл ауданы мәслихаты ШЕШТІ:

1-тармақ 2019 ж. 1 қаңтардан қолданысқа енгізілді

1. Қазақстан Республикасының Салық кодексінің 504, 505, 506-бабтарымен белгіленген Жамбыл ауданы бойынша жер салығы мөлшерлемелері, автотұрақтарға (паркингтерге), автомобильге май құю станцияларына бөлінген (бөліп шығарылған) және казино орналасқан жерлерді қоспағанда, базалық мөлшерлемелерден 50 пайызға жоғарылатылсын.

2. Қазақстан Республикасының жер заңнамасына сәйкес қолданылмайтын ауыл шаруашылығы мақсатындағы жерлерге Қазақстан Республикасы Салық кодексінің 503-бабымен белгіленген жер салығының мөлшерлемелері он есеге жоғарылатылсын.