«Кыргыз Республикасы менен Сомали Республикасынын ортосунда дипломатиялык мамилелерди түзүү жөнүндө» биргелешкен коммюнике долбоору (2015-жылдын 20-майы)

Долбоор

Кыргыз Республикасы менен Сомали Республикасынын ортосунда дипломатиялык мамилелерди түзүү жөнүндө биргелешкен коммюнике

КР Президентинин 2015-жылдын 20-майындагы № 128 буйругу менен жактырылган

Кыргыз Республикасы жана Сомали Республикасы,

эки мамлекеттин ортосундагы өз ара түшүнүшүүгө көмөк көрсөтүүнү жана достукту, кызматташтыкты чындоону каалап,

Бириккен Улуттар Уюмунун жана эл аралык укуктун принциптерин жана максаттарын, атап айтканда эл аралык тынчтыкты жана коопсуздукту урматтоону жана чындоону, мамлекеттер ортосундагы теңдикти, улуттук эгемендүүлүктү жана мамлекеттин аймактык бүтүндүгүн, көз карандысыздыкты тийиштүү түрдө урматтоону, эл аралык келишимдерди сактоону жана мамлекеттердин ички иштерине кийлигишпөөнү жетекчиликке алып,