«Фармацевтикалық білімі бар мамандарға біліктілік санатын беру туралы куәлік беру» мемлекеттік көрсетілетін қызмет стандарты (Қазақстан Республикасы Денсаулық сақтау және әлеуметтік даму министрінің 2015 жылғы 28 сәуірдегі № 293 бұйрығына 9-қосымша) (2019.06.05. берілген өзгерістер мен толықтырулармен) (күші жойылды)

ҚР Денсаулық сақтау және әлеуметтік даму министрінің 2016.29.04. № 342 бұйрығымен 9-қосымшамен толықтырылды

Қазақстан Республикасы

Денсаулық сақтау және

әлеуметтік даму министрінің

2015 жылғы 28 сәуірдегі

№ 293 бұйрығына

9-қосымша

ҚР Денсаулық сақтау министрінің м.а. 2020 жылғы 15 маусымдағы № ҚР ДСМ-65/2020 бұйрығымен күші жойылды

«Фармацевтикалық білімі бар мамандарға біліктілік санатын беру туралы куәлік беру»

мемлекеттік көрсетілетін қызмет стандарты

(2019.06.05. берілген өзгерістер мен толықтырулармен)

ҚР Денсаулық сақтау министрінің 2017.17.07. № 533 бұйрығымен 1-тараудың тақырыбы жаңа редакцияда (бұр.ред.қара)

1-тарау. Жалпы ережелер

1. «Фармацевтикалық білімі бар мамандарға біліктілік санатын беру туралы куәлік беру» мемлекеттік көрсетілетін қызметі (бұдан әрі - мемлекеттік көрсетілетін қызмет).

ҚР Денсаулық сақтау министрінің 2017.17.07. № 533 бұйрығымен 2-тармақ жаңа редакцияда (бұр.ред.қара)

2. Мемлекеттік көрсетілетін қызмет стандартын Қазақстан Республикасы Денсаулық сақтау министрлігі (бұдан әрі - Министрлік) әзірледі.

ҚР Денсаулық сақтау министрінің 2017.17.07. № 533 бұйрығымен 3-тармақ жаңа редакцияда (бұр.ред.қара)

3. Мемлекеттік көрсетілетін қызметті Қазақстан Республикасы Денсаулық сақтау министрлігінің Фармация комитетінің аумақтық департаменттері (бұдан әрі - көрсетілетін қызметті беруші) көрсетеді.

Өтінішті қабылдау және мемлекеттік қызметті көрсету нәтижелерін беру «электрондық үкімет»: www.egov.kz веб-порталы (бұдан әрі - портал) арқылы жүзеге асырылады.

ҚР Денсаулық сақтау министрінің 2017.17.07. № 533 бұйрығымен 2-тараудың тақырыбы жаңа редакцияда (бұр.ред.қара)

2-тарау. Мемлекеттік қызмет көрсету тәртібі

ҚР Денсаулық сақтау министрінің 2019.06.05. № ҚР ДСМ-68 бұйрығымен 4-тармақ жаңа редакцияда (бұр.ред.қара)

4. Порталға жүгіну кезінде мемлекеттік қызметті көрсету мерзімі - 3 (үш) жұмыс күні;

Порталға жүгінген кезде құжаттарды қабылдау күні мемлекеттік қызмет көрсету мерзіміне кірмейді.