«Темір ауданының жергілікті қоғамдастық жиналысының Регламентін бекіту туралы» Ақтөбе облысы Темір аудандық мәслихатының 2018 жылғы 10 сәуірдегі № 214 шешіміне өзгерістер мен толықтырулар енгізу туралы» Ақтөбе облысы Темір аудандық мәслихатының 2021 жылғы 8 қарашадағы № 109 шешімі

«Темір ауданының жергілікті қоғамдастық жиналысының Регламентін бекіту туралы» Ақтөбе облысы Темір аудандық мәслихатының 2018 жылғы 10 сәуірдегі № 214 шешіміне өзгерістер мен толықтырулар енгізу туралы
Ақтөбе облысы Темір аудандық мәслихатының 2021 жылғы 8 қарашадағы № 109 шешімі

ШЕШТІ:

1. «Темір ауданының жергілікті қоғамдастық жиналысының Регламентін бекіту туралы» Ақтөбе облысы Темір аудандық мәслихатының 2018 жылғы 10 сәуірдегі № 214 шешіміне (Нормативтік құқықтық актілерді мемлекеттік тіркеу тізілімінде № 3-10-191 болып тіркелген) мынадай өзгерістер мен толықтырулар енгізілсін:

көрсетілген шешіммен бекітілген Темір ауданының жергілікті қоғамдастық жиналысының Регламенті:

мынадай мазмұндағы 2-1, 2-2 және 2-3-тармақтармен толықтырылсын:

«2-1. Жергілікті қоғамдастық жиналысының құрамын жергілікті қоғамдастық жиыны төрт жыл мерзімге айқындайды және жергілікті қоғамдастық жиыны жіберген кандидаттар қатарынан құрылады.

Бұл ретте, жергілікті қоғамдастық жиыны жіберген жергілікті қоғамдастық жиналысы мүшелерінің (бұдан әрі - жиналыс мүшелері) саны аудандық маңызы бар қала, ауыл, кент, ауылдық округ халқының жалпы санына байланысты айқындалады:

1) 10 мың халыққа дейін - жиналыстың 5-10 мүшесі;

2) 10-15 мың халық - жиналыстың 11-15 мүшесі;

3) 15-20 мың халық - жиналыстың 16-20 мүшесі;

4) 20 мыңнан астам халық - жиналыстың 21-25 мүшесі.

2-2. Жергілікті қоғамдастық жиналысының құрамын қалыптастыру кезінде бөлек жиындар өкілдерінің саны олардың халқының санына барабар айқындалады.

2-3. Бірнеше елді мекендерден тұратын әкімшілік-аумақтық бірлік үшін осы Регламенттің 2-2-тармағының ережелерін ескере отырып, жергілікті қоғамдастықтың бөлек жиындары жіберген әрбір елді мекеннен кемінде бір өкіл қамтамасыз етіледі.»;

3 және 4-тармақтар жаңа редакцияда жазылсын:

«3. Жиналыс жергілікті маңызы бар ағымдағы мәселелер бойынша өткізіледі:

бағдарламалық құжаттардың, жергілікті қоғамдастықты дамыту бағдарламаларының жобаларын талқылау және қарау;