«Қордай ауданында тұрғын үй көмегін көрсетудің мөлшері мен тәртібін айқындау туралы» Жамбыл облысы Қордай аудандық мәслихатының 2020 жылғы 10 қыркүйектегі № 73-3 шешімі (2021.10.12. берілген өзгерістермен) (күші жойылды)

Қордай ауданында тұрғын үй көмегін көрсетудің мөлшері мен тәртібін айқындау туралы
Жамбыл облысы Қордай аудандық мәслихатының 2020 жылғы 10 қыркүйектегі № 73-3 шешімі

(2021.10.12. берілген өзгерістермен)

Жамбыл облысы Қордай аудандық мәслихатының 2024 жылғы 15 наурыздағы № 21-4 шешімімен күші жойылды

Жамбыл облысы Қордай аудандық мәслихатының 2021.10.12. № 16-3 шешімімен тақырыбы жаңа редакцияда (бұр.ред.қара)

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңына және «Тұрғын үй қатынастары туралы» Қазақстан Республикасының 1997 жылғы 16 сәуірдегі Заңының 97-бабына сәйкес Қордай аудандық мәслихаты ШЕШІМ ҚАБЫЛДАДЫ:

Жамбыл облысы Қордай аудандық мәслихатының 2021.10.12. № 16-3 шешімімен 1-тармақ жаңа редакцияда (бұр.ред.қара)

1. Осы шешімнің қосымшасына сәйкес Қордай ауданында тұрғын үй көмегін көрсетудің мөлшері мен тәртібі айқындалсын.

2. «Қордай ауданы бойынша аз қамтылған отбасыларға (азаматтарға) тұрғын үй көмегін көрсету Қағидаларын бекіту туралы» Қордай аудандық мәслихатының 2014 жылғы 2 сәуірдегі № 28-9 шешімінің күші жойылды деп танылсын (нормативтік құқықтық актілерді мемлекеттік тіркеу тізілімінде № 2194 болып тіркелген, 2014 жылы 30 сәуірде аудандық «Қордай шамшырағы» - «Кордайский маяк» газетінде жарияланған).

3. Осы шешімнің орындалуын қадағалау аудандық мәслихаттың экономика, қаржы, бюджет, жергілікті өзін-өзі басқару, индустриялық-инновациялық дамыту, аймақты, көлік пен байланысты, орта және шағын бизнесті дамыту мәселелері жөніндегі тұрақты комиссиясына және «Жамбыл облысы Қордай ауданы әкімдігінің жұмыспен қамту және әлеуметтік бағдарламалар бөлімі» коммуналдық мемлекеттік мекемесінің басшысы А.Заурбаеваға жүктелсін.

4. Осы шешім әділет органдарында мемлекеттік тіркелген күннен бастап күшіне енеді және оның алғаш ресми жарияланған күннен кейін күнтізбелік он күн өткен соң қолданысқа енгізіледі.