Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі аумақтық органдарының қызметін бағалау әдістемесі (Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2017 жылғы 26 сәуірдегі № 88 бұйрығына 1-қосымша) (2017.10.10. берілген өзгерістермен)

ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2017.10.10. № 203 бұйрығымен әдістеме жаңа редакцияда

Қазақстан Республикасы

Мемлекеттік қызмет істері және сыбайлас

жемқорлыққа қарсы іс-қимыл агенттігі Төрағасының

2017 жылғы 26 сәуірдегі

 № 88 бұйрығына 1-қосымша

Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл

 агенттігі аумақтық органдарының қызметін бағалау

әдістемесі

(2017.10.10. берілген өзгерістермен)

1. Жалпы талаптар

1. Осы Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі аумақтық органдарының қызметін бағалау әдістемесі (бұдан әрі - Әдістеме) Қазақстан Республикасы Президентінің 2016 жылғы 5 қазандағы № 349 Жарлығымен бекітілген Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі туралы ереженің 22-тармағының 1) тармақшасына сәйкес әзірленген.

2. Әдістеме Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің аумақтық органдарына жүктелген міндеттер мен функцияларды орындау бойынша қызметінің тиімділігін анықтауға арналған.

3. Бағалау тоқсан сайын есептік кезеңнен кейінгі айдың 25 күнінен кешіктірмей жүзеге асырылады.

4. Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің (бұдан әрі - Агенттік) ақпараттық жүйелерінен алынатын деректер, сондай-ақ аумақтық органдардың Агенттік Регламентіне, алқа отырыстарының және мәжілістерінің хаттамаларына сәйкес ұсынылатын есептері мен құжаттары, сондай-ақ Агенттік басшылығының өзге тапсырмалары ақпарат көзі болып табылады.

Агенттіктің аумақтық органдарының басшылары ұсынылатын есептердің және құжаттардың сапасына, нақтылығына және уақтылығына жеке жауапты болады.

2. Бағалауды жүргізу тәртібі