«Өсімдіктерді қорғау саласындағы тәуекел дәрежесін бағалау өлшемшарттарын және тексеру парақтарын бекіту туралы» Қазақстан Республикасы Ауыл шаруашылығы министрінің 2015 жылғы 28 желтоқсандағы № 15-05/1135 және Қазақстан Республикасы Ұлттық экономика министрінің 2015 жылғы 29 желтоқсандағы № 821 бірлескен бұйрығы (2023.27.06. берілген өзгерістер мен толықтырулармен)

Өсімдіктерді қорғау саласындағы тәуекел дәрежесін бағалау өлшемшарттарын және тексеру парақтарын бекіту туралы

Қазақстан Республикасы Ауыл шаруашылығы министрінің 2015 жылғы 28 желтоқсандағы № 15-05/1135 және Қазақстан Республикасы Ұлттық экономика министрінің 2015 жылғы 29 желтоқсандағы № 821 бірлескен бұйрығы

(2023.27.06. берілген өзгерістер мен толықтырулармен)

ҚР Премьер-Министрінің орынбасары - ҚР Ауыл шаруашылығы министрінің 2019.11.01. № 7 және ҚР Ұлттық экономика министрінің 2019.11.01. № 5 бірлескен бұйрығымен тақырыбы жаңа редакцияда (бұр.ред.қара)

ҚР Ауыл шаруашылығы министрінің 2023.15.02. № 64 және ҚР Ұлттық экономика министрінің м.а. 2023.15.02. № 23 бірлескен бұйрығымен кіріспе жаңа редакцияда (2023 ж. 4 наурыздан бастап қолданысқа енгізілді) (бұр.ред.қара)

Қазақстан Республикасы Кәсіпкерлік кодексінің 141-бабы 5 және 6-тармақтарына және 143-бабының 1-тармағына сәйкес БҰЙЫРАМЫЗ:

ҚР Премьер-Министрінің орынбасары - ҚР Ауыл шаруашылығы министрінің 2019.11.01. № 7 және ҚР Ұлттық экономика министрінің 2019.11.01. № 5 бірлескен бұйрығымен (бұр.ред.қара); ҚР Ауыл шаруашылығы министрінің 2021.05.04. № 108 және ҚР Ұлттық экономика министрінің 2021.06.04. № 37 бірлескен бұйрығымен (бұр.ред.қара) 1-тармақ жаңа редакцияда; ҚР Ауыл шаруашылығы министрінің 2023.15.02. № 64 және ҚР Ұлттық экономика министрінің м.а. 2023.15.02. № 23 бірлескен бұйрығымен 1-тармақ өзгертілді (2023 ж. 4 наурыздан бастап қолданысқа енгізілді) (бұр.ред.қара)

1. Мыналар:

1) осы бірлескен бұйрыққа 1-қосымшаға сәйкес өсімдіктерді қорғау саласындағы тәуекел дәрежесін бағалау өлшемшарттары;

2) осы бірлескен бұйрыққа 2-қосымшаға сәйкес ауыл шаруашылығы мақсатындағы объектілерде, сондай-ақ автомобиль, теміржол жолдарының бөлінетін жолақтары мен қорғау аймағында және зиянды және аса қауіпті зиянды организмдердің мекендеу орындары болып табылатын басқа да аумақтарда қызметін жүзеге асыратын бақылау субъектілеріне (объектілеріне) қатысты өсімдіктерді қорғау саласындағы тексеру парағы;